Ribadeo, 10 de abril de 2014. Este venres, 11 de abril, o alumnado do ciclo medio de Atención a Persoas en Situación de Dependencia do Centro Integrado de Formación Profesional Porta da Auga visitará diferentes dependencias dos servizos sociais municipais: a vivenda comunitaria, a residencia hospital asilo e o centro de día.
A concelleira de Saúde e Servizos Sociais, Teresa González Piñeiroa, explicou que “ farán esta visita para coñecer as infraestruturas dos servizos sociais de Ribadeo. Comezará as 9 horas e os rapaces estarán acompañados por profesorado do CIFP Portada da Auga, por persoal técnico municipal así como por responsables de cada un dos centros a visitar”.
A edil nacionalista contou que “esta actividade enmárcase dentro dun proxecto de colaboración entre o CIFP Porta da Auga e Área de Saúde e Servizos Sociais do Concello de Ribadeo. Iniciouse este programa o día 21 de marzo cunha charla impartida polo traballador social José Luis Gegunde no salón de actos da Casa do Mar. A través deste foro o alumnado entrou en contacto coa realidade dos servizos sociais que teñen máis próximos, como son os municipais, e comprobaron como foron evolucionando estes servizos ao longo do tempo e como as diferentes normativas e cambios sociais e económicos influíron de forma substancial na programación, nos servizos prestados e no traballo diario do persoal deste campo, dos servizos sociais, e das persoas usuarias”.
González Piñeiroa engadiu que “este proxecto de colaboración entre o Concello e o centro pretende que o eido da formación, o laboral e os servizos públicos traballen de forma coordinada, dado que todo isto redundará nun beneficio mutuo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
