O Grupo Literario Leiras Pulpeiro (GLLP) e a Asociación As San Lucas, responsable da organización das Feiras e Festas das Quendas 2014, preparan para o vindeiro 1 de maio un recital poético-musical denominado “Mondoñedo é poesía”.
Con esta actividade, os organizadores pretenden levar a rúas e escenarios as esencias da fértil tradición poética mindoniense, unha pléiade de escritores da que forman parte, entre outros, Antonio Noriega Varela, Álvaro Cunqueiro, Xosé Díaz Jácome e o propio Manuel Leiras Pulpeiro, e aos que debemos engadir outros nomes non menos sobranceiros da chamada Escola Poética do Seminario de Mondoñedo, como son os casos de Xosé Crecente Vega, Aquilino Iglesia Alvariño ou Xosé Díaz Castro. Ademais, Mondoñedo ten un raro privilexio, o de convocar anualmente dous certames poéticos, o “Premio de Poesía Díaz Jácome” e o “Premio de Poesía Leiras Pulpeiro”.
Nesta primeira edición de “Mondoñedo é poesía” participan 20 poetas, homes e mulleres de recoñecido prestixio no campo da creación poética actual como son Alicia Fernández, Carlos Negro, David Otero, Dores Tembrás, Henrique Rabuñal, Iolanda Aldrei, Isidro Novo, José Juan Ferrrero, Mª Xosé Lamas, Marica Campo, Mario Regueiro, Baldomero Iglesias “Mero”, Miro Casabella, Olalla Cociña, Paco Rivas, Toño Núñez, Xabier Cordal, Xacobo Casal, Xaime Oroza e Xoán Xosé Abella. A parte musical deste recital estará a cargo de César Morán, que interpretará poemas de M. Leiras Pulpeiro musicados por el, e de Miro Casabella.
“Mondoñedo é poesía” comezará ás 13:00 horas no concello de Mondoñedo con unha recepción aos asistentes por parte das autoridades locais. Logo do xantar, a partir das 18:00 horas terán lugar o recital na rúa e en lugares emblemáticos da cidade, seguindo este itinerario: Cemiterio Vello, Praza do Concello, Praza da Catedral, Fonte Vella, O Cristo e Praza Jaime Cabot. Ás 19:30 horas comezará no Auditorio Pascual Veiga, con entrada libre e gratuíta, un recital poético-musical no que intervirán poetas e músicos convocados.
O Grupo Literario Leiras Pulpeiro (GLLP) quere agradecer a xenerosa colaboración da comisión organizadora das Feiras e Festas das Quendas 2014, a do propio concello de Mondoñedo, así como a de particulares e empresas como Confiteria Val de Brea, A Casa de Mañas e A Casa da Penela.
Entre todos, solidariamente, co imprescindible afecto e altruísmo das escritoras, escritores e músicos que nos van acompañar nesta xornada, vai ser posible que Mondoñedo sexa este 1 de maio a “capital galega da poesía”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
