Mondoñedo (Lugo), 11 de abril de 2014. A tradicional feira das Quendas de Mondoñedo conta este ano con varias novidades como a celebración do I Obradoiro I Obradoiro de Amasado Artesanal, Elaboración, Enfornado e Cocido da EMPANADA na Alameda. Ademais a Comisión das Quendas tamén quere render unha homenaxe, cunha ofrenda floral, a un dos impulsores e promotores da recuperación das feiras e festas das Quendas, D. Manuel Redruello Suárez con motivo do seu 30 cabodano. Outro dos alicientes desta celebración será a carreira popular (9km), que se celebrará o sábado 3 de maio, e como actividade cultural destacada celebrarase un rueiro poético que percorrera as rúas da cidade.
As Quendas, que se celebraran os días 30 de abril e 1, 2 e 3 de maio, contará ademais con dous protagonistas de excepción, por un lado o mindoniense Fran Bouso será o pregoeiro desta nova edición das festas e por outro a actuación da televisiva cantautora asturiana Paula Rojo. A reina das festas das Quendas 2014 é María Taboada Pena,e as damas son Natalia Novo Fernández e Melanie Lorigados Lozano.
As festas arrancan o mércores 30 de abril, e trala recepción das Autoridades no Concello, realizarase unha ofrenda floral no cemiterio vello ante a tumba de D. Manuel Redruello Suárez, con motivo do seu 30 cabodano. Miguel Souto dixo que a “Comisión de Festas quere agradecer deste xeito a labor desinteresada de quen foi o presidente da comisión que promoveu a recuperación destas feiras. Hoxe en día podemos dicir que As Quendas seguen vivas grazas a persoas coma Manuel Redruello que traballaron desinteresadamente por reivindicar e difundir a cultura de Mondoñedo”, explicou. Despois terá lugar no Auditorio Municipal o pregón de Fran Bouso, dinamizador cultural de Mondoñedo.
O día grande das Quendas, o 1 de maio, comeza no Campo da Feira coa Gran Feira tradicional de gando cabalar. Ás 11 da mañá haberá demostración de Ferrado de Cabalos a cargo de Noel Cortón. E a partir das 11:30h a Alameda dos Remedios será o escenario do I Obradoiro de Amasado Artesanal, Elaboración, Enfornado e Cocido da EMPANADA. “Será unha actividade aberta a tódalas persoas interesadas en coñecer o proceso de elaboración do pan e das empanadas, un dos produtos tradicionais de Mondoñedo. Con este evento queremos promover e dar a coñecer os segredos dun dos produtos estrela da nosa cidade. No Obradoiro participaran panadeiros de Mondoñedo”, relatou Miguel Souto.
O acento gastronómico das Quendas poñerao unha exhibición de Showcooking de cociña con Poldro galego na Alameda, no que se elaboraran 2 receitas, co fin de dar a coñecer as posibilidades deste produto á hora de cociñar. Este evento será realizado pola bogueira gastronómica Rocío Garrido Caramés quen recibiu o premio Gourmand World Cookbook pola súa publicación “Cociñando coas razas autóctonas”.
Ademais durante tódalas festas poderase degustar nos bares de Mondoñedo e no Bar o “Bigotes” a III Edición das xornadas gastronómicas da carne de poldro.
Poesía, títeres e sendeirismo
Pola tarde podemos gozar da xornada cultural con POEMAS NAS RÚAS, que percorrera as rúas co seguinte itinerario: saída da campa de Leiras Pulpeiro (cemiterio vello), Praza do Concello, Praza da Catedral, Fontevella, O Cristo e para rematar a Praza Jaime Cabot (duración aproximada: 1h30min). E ás 19:30h MONDOÑEDO É POESÍA “Recital Poético-Musical”, no Auditorio Municipal.
O venres 2 de maio o programa conta cunha “RUTA CUNQUEIRIANA”, guiada por Xosé Ruiz Rivas. Esta actividade está aberta a todo o público e guiará ao visitante polos lugares máis frecuentados polo xenial escritor mindoniense. A saída será da oficina de turismo ás 12h.
E pola tarde no Auditorio Municipal, 18.00h, Mircromina Títeres presenta:”Martín, Martín” un espectáculo de títeres e actor, ideal para gozar en familia, apto para tódolos públicos. E na Casa da Cultura, ás 19:30h, proxección de curtos, gravados en Mondoñedo polo realizador mindoniense Miguel García.
O sábado 3 de maio poderán gozar dunha RUTA DE SENDEIRISMO “Ruta da auga” (9 Kms). Saída da Praza da Catedral ás 10:30h. Actividade aberta a todo o público (duración aproximada 1h30min – 2h). Ás 16:00 h No Polideportivo Municipal de Mondoñedo , Partido de Baloncesto Ed Lourenzá-Mondoñedo vs Mercedarias Hotel el Suiz de Ferrol.
No campo da Granxa terá lugar, ás 16:30 h, a Exhibición e Concurso Hípico de Salto a cargo de Hípica Ecus de Lugo.
E ás 19:00h Carreira Popular pola Natureza, “ Ruta da Auga” (9 Kms. de percorrido). Saída da Praza da Catedral.Para inscribirse nesta competición pode facer mediante este blog http://carreirarutadaauga.blogspot.com.es/, ou ben no teléfono: 605 790091 ou no correo electrónico: raulbgra@gmail.com
Ás 22:00h concerto acústico de “ Paula Rojo”, no Auditorio Municipal Pascual Veiga cun prezo da entrada de 10€. O teléfono para reservalas é o 608 876 123.
E para rematar As Quendas o domingo 4 de maio ás 19:00 h Xoldra Teatro ofrecerá a representación dunha obra teatral tamén no Auditorio.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
