Os voceiros provinciais do PSOE e BNG, Manuel Martínez e Mario Outeiro, respectivamente, valoraron este venres o anteproxecto de Lei Orgánica do Poder Xudicial do Partido Popular, que supón a supresión de partidos xudiciais.No caso de aprobarse, Lugo pasaría de contar con 9 circunscripcións a ter unicamente a da capital, que absorbería máis de 36.000 casos.
Martínez destacou que “esta medida pon fin ó esforzo do ano 86 por achegar unha xustiza gratuíta a todos os cidadáns. Obriga ó 60% dos lucenses a desprazarse máis de 1 hora ó xulgado, gastando cartos, máis cartos, posto que isto engádese a nova lei de taxas xudiciais do PP, que fixo que só teñan dereito á xustiza os que a poden pagar”. E é que, por exemplo, os pleitos laborais ou contenciosos administrativos que antes estaban exentos de taxasagora poden chegar a custar 800 euros.
“É unha medida máis do PP dirixida á supresión de servizos públicos nos Concellos, ó igual que a eliminación dos rexistros civís ou a creación da xerencia sanitaria única, que deixa sen vida ós municipio, afectando ó emprego e ó despoboamento demográfico.Feijóo debe opoñerse frontalmente a esta medida e defender os intereses dos cidadáns. A Fegamp, con maioría do PP, debería deixar de defender os intereses do PP e de ser voceira de Feijóo, cunha postura unánime de todos os Alcaldes en contra desta medida”, subliñou Martínez.
Xunta de Goberno
A Xunta de Goberno aprobou a contratación de 1.800 novos compoñentes enerxéticos para dotacións públicas municipais de Ribas de Sil, Guntín e Monterroso. A Deputación instalará este material nos alumeados públicos e consistorios destes municipios, así como no colexio público de Ribas de Sil, no centro médico de Guntín e no centro sociocultural de Monterroso. Isto permitirá reducir en 30.000 euros anuais os gastos pola luz destes tres Concellos.Trátanse dúas actuación do Plan Enerxético da Deputación, que aforra estes Concellos un total de 156.000 euros. “Facémolo ó asumir a totalidade de custes, a diferencia do plan da Xunta, que obriga ás entidades locais a pagar o 30% dos gastos”, explicou Martínez. Este aforro distribúese do seguinte xeito:30.000 euros coas auditorías enerxéticas, que realizaron os técnicos provinciais da Axencia da Enerxía da Deputación. A contratación externa destes traballos suporía 10.000 euros a cada Concello; 96.000 euros pola compra e instalación dos compoñentes enerxéticos; e 30.000 euros, que é a cantidade anual na que verán reducida as súas facturas pola luz.
Centro de recría
A sesión acordou a adxudicación definitiva de novos traballos no primeiro centro público en España de recría de gando vacún, que está a construír a Deputación en Castro de Rei, por valor de 500.000 euros. Trátanse das obras de demolición e adaptación das estruturas esixentes ás naves de nova construción, que conta cun orzamento de 120.000 euros; e da adquisición de novo material para as 13 naves de recría, por valor de 375.000 euros. Son cubículos cubículos, bebedeiros, arrobadeiras, básculas, mangadas, manexos, valos metálicos, boxes individuais e colectivos, cornadizas…
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
