O Burela FS Pescados Rubén B despide mañá a tempada en Vista Alegre, na penúltima xornada de Terceira, soñando co título. Dende unha esixente segunda praza, a tan só un punto do Pazos de Borbén, os pupilos de Iván Cao, Lucas, recibirán O Carballiño FS, oitavo clasificado, no templo laranxa (16.00 horas).
Os mariñáns chegan á 25ª xornada con cautela, despois da experiencia da primeira volta, cando caeron por 5-3 na pista ourensá. “Sabemos que non é un rival doado; demostróunolo na primeira volta, pero nós estamos ilusionados con pechar esta bonita tempada, e sobre todo esta segunda volta de sobresaliente, o mellor posible e pelexando por quedar o máis arriba” adiantaba Lucas, animando a afección burelista a gozar desta emocionante recta final.
Na enfermería burelista segue Bruno de Nois; quen entrará na convocatoria, aínda que con dúbidas de participación, será Antón Couto, que continúa con molestias na clavícula. Carlitos entrará na lista do equipo de Juanlu para medirse mañá a mediodía (13.00 horas, Energy TV) co xa campión de Primeira División, Inter Movistar.
En pugna directa cos mariñáns, A Estrada FS (47) recibe o Bueu, noveno clasificado, e o Leis Pontevedra (47) tamén xoga na casa fronte ao pechacancelas, Pizzería A Fuga SD Xove FS. O líder, Pazos de Borbén (48), pola súa banda, visita o quinto en discordia, Santiago Futsal (46).
Última xornada. O Burela FS B pechará a liga o 26 de abril na casa do actual primeiro clasificado (horario unificado, 18.00 horas).
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
