A Coruña, 11 de abril de 2014.- A Consellería de Cultura, Educación e Ordenación Universitaria presenta o novo espazo do Museo de Belas Artes da Coruña dedicado á cerámica da Real Fábrica de Sargadelos, cun discurso expositivo renovado que incorpora novas pezas e que se enriquece cunha vertente didáctica e ilustrativa.
“Sargadelos é selo de identidade e de construción cultural moi implicada no territorio, por iso, a posta en valor das pezas históricas dese proxecto cultural teñen un alto interese e debemos mostralas ao público da mellor maneira posible”, afirmou o secretario xeral de Cultura, Anxo Lorenzo, na presentación da nova montaxe, acompañado pola delegada da Xunta de Galicia na Coruña, Belén Do Campo, e pola directora do museo, Ángeles Pena.
Posta en valor da cerámica de Sargadelos
Segundo explicou, “a motivación desta nova concepción museística da sala é poder ofrecerlles aos visitantes do Museo de Belas Artes da Coruña unha información máis ampla, que lles permita recoñecer a importancia destes fondos artísticos e comprender mellor a súa pegada na nosa cultura e mesmo no contexto europeo das manufacturas de porcelana da súa época”. Para avanzar neste obxectivo, Anxo Lorenzo anunciou que a Consellería xa está a traballar na organización dunha ampla exposición sobre Sargadelos no museo, que terá lugar en 2015.
Finalmente, expresoulle o seu agradecemento ao equipo de traballo do museo polo seu “esforzo e interese en renovar permanentemente o discurso expositivo do centro, que non é máis que procurar maneiras de renovar o interese dos visitantes, de ampliar as propostas de oferta artística e de facelo, ademais, da maneira máis coidada posible e co rigor histórico que require”.
Novas pezas e contidos
O novo discurso expositivo ten dúas vertentes fundamentais. Por un lado, a reorganización da colección permitiu incorporar novas pezas, dentro das 522 que se conservan nos depósitos do centro, e por outro, a vertente didáctica e ilustrativa que busca servir de estímulo para novos visitantes do museo.
A proposta que os visitantes poden ver agora incorpora novas pezas atendendo ás tipoloxías das vaixelas e aos motivos decorativos. Así mesmo, presenta contidos informativos en distintos niveis de lectura, desde paneis con textos e imaxes de contextualización sobre a figura do marqués de Sargadelos, ata a historia da fábrica e a súa vinculación co contorno económico galego, as etapas produtivas coas técnicas e as marcas, as series decorativas e os distintos motivos e tipos representados. Ademais, nestes momentos estase a programar un dispositivo táctil que incorporará fichas con información complementaria das pezas, e a posibilidade de visibilizalas en formato 3D.
O Museo de Belas Artes da Coruña posúe unha das máis importantes coleccións da cerámica da Real Fábrica de Sargadelos do século XIX, que consta de 522 pezas, formada ao longo dos anos grazas a diversas doazóns e depósitos, e á adquisición por parte da Xunta de Galicia no ano 1992 da colección da familia Martínez-Barbeito.
O museo xa contaba cunha sala para esta colección fundamental da historia artística de Galicia desde que se inaugurou esta sede, logo das obras de rehabilitación abordadas por Gallego Jorreto en 1995. Desde aquela, o centro dedicou unha sala permanente á louza de Sargadelos, na que se viña mostrando unha selección dos modelos e decoracións de cada unha das catro etapas produtivas da fábrica de Cervo.
Unha colección fundamental da historia artística de Galicia
A raíz das obras da construción do barrio do Papagaio, a sala estivo pechada mentres se recuperou a estrutura das paredes danadas do edificio e durante este peche levouse a cabo a renovación da montaxe dedicada á Real Fábrica de Louza de Sargadelos, unha colección fundamental da historia artística de Galicia.
A Real Fábrica de Louza de Sargadelos formaba parte do conxunto fabril creado no século XIX polo ilustrado Raimundo Ibáñez, en Cervo, que foi a primeira fábrica que introduciu en España métodos enteiramente industriais na produción das súas louzas.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
