Mondoñedo, 12 de Abril 2014.- O BNG presentou en Mondoñedo as súas propostas para buscar, tamén desde Europa, unha saída á crise que non se leve por diante aos sectores produtivos e á clase traballadora do país que, en palabras da candidata nacionalista aos comicios do 25 de maio, “están sendo esmagados por esta Europa antidemocrática e antisocial que aplaude o PP aplicando as súas políticas de recortes con entusiasmo desde Madrid e desde Galiza”.
Ese mesmo PP, subliñou Miranda, que leva como referente a Arias Cañete “que fixo que o sector agrario galego perdese 300 millóns de euros en fondos procedentes da PAC, o mesmo que bendiciu un acordo pesqueiro UE-Mauritania que deixou amarrada en porto a frota cefalopodeira galega, mentres a andaluza saía a faenar, o responsable do reparto das cotas de pesca que discriminan aos barcos do cerco”. “Cañete representa os intereses da Troika, a antítese do que defende o BNG”, sintetizou.
Nun acto para abordar as alternativas nacionalistas no actual contexto económico e social, Miranda salientou algunhas das propostas máis relevantes como a Renda social europea, “que garanta uns ingresos mínimos de supervivencia ás familias”, crear un parqué de vivendas públicas en alugueiro a partir dos pisos que teñen en propiedade os bancos rescatados con fondos europeos, -41.300 millóns de euros no caso español-.
Igualmente, aplicar o IVE supereducido a servizos básicos coma a luz, gas ou auga, e reforzar o sistema público de pensións suprimindo calquera axuda aos plans e seguros privados.
Voz, voto e veto
A que fora eurodeputada nesta lexislatura, salientou que é preciso “superar” o actual modelo da UE por unha Europa, solidaria e dos pobos, na que teña cabida unha Galiza soberana “con voz, voto e veto nas institucións comunitarias en todos aqueles temas que lle afecten directamente, sen o sometemento ao filtro da intermediación que supón hoxe o Estado español, con resultados nefastos para os intereses do país”.
Miranda fixo un chamamento á cidadanía a participar nas eleccións europeas do 25 de maio, unha oportunidade para “rebelarse” nas urnas contra os partidos salpicados pola corrupción, que aplican as mesmas políticas de sempre que favorecen ás minorías de sempre, “unha elite económica, unha caste de privilexiados a costa de espremer a xente do común, e de pretender roubarlles o futuro”.
A candidata crítica este modelo de UE “que rescata á banca especulativa, mentres deixa na estacada aos estafados por esa mesma banca a través do roubo das preferentes, que aínda ten 35.000 afectad@s en toda Galiza, a mesma que deixa sen vivenda a quen non pode pagar a hipoteca e deixa sen crédito ás familias e ás empresas do país”, subliñou.
Con Miranda participou tamén na xornada o alcalde de Mondoñedo, Orlando González, o de Allariz, Francisco García, a deputada Montse Prado, Elvira Lombao, da Plataforma Galega en Defensa do Ensino Público, Victor Vila, da Plataforma en Defensa da Sanidade Publica na Mariña, Bernardo Pérez, da USC, así como responsables locais e comarcais do BNG na Comarca da Mariña.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
