Espectáculo en Energy TV co encontro protagonizado polo Inter Movistar e Burela Pescados Rubén. Os mariñáns acudían ao Caja Madrid coa intención de repetir a sorpresa coma no feudo de ElPozo. Nesta ocasión non puido ser, o Inter mantén a súa poderosa marcha como líder e a máquina verde non permitiu a sorpresa derrotando (5-1) a un Burela atrevido e valente que competiu a gran nivel, pero Ricardinho vai de verde.
O Inter arrincou o choque con ritmo e intensidade para evitar calquera susto inicial e aínda que Álex evitou as primeiras embestidas nada puido facer ante o golazo conseguido por Cardinal (1-0) que tras virarse enviou o balón á escuadra burelesa. Sen baixar o pistón, os madrileños continuaron co seu asedio ante un Burela que tiña en Álex ao seu mellor baluarte ata o momento. O Inter aumentou a súa renda por mediación de Tobe nunha acción colectiva (2-0) pero o Burela Pescados Rubén conseguiu reaccionar.
Os laranxas comezaron a xerar ocasións e perigo constante na meta defendida por Jesús Herrero, o meta interista evitou que a reacción galega tivese incidencia no marcador. Co 2-0 chegouse ao intermedio e na continuación os pupilos de Juanlu Alonso apoderáronse da iniciativa no xogo e gozaron de ata tres claras oportunidades antes do gol conseguido por Matamoros (2-1), minuto 24.
O duelo transcorría nun precioso intercambio de golpes e recursos por ambas escuadras do que finalmente sacaron rendemento os madrileños. Entre Ricardinho, como creador, e Rivillos, de goleador, dinamitaron o choque situando ao seu equipo con 4-1, minuto 31. Tras intentar meterse de novo no encontro os bureleses tiveron que renderse ante o potencial do Inter Movistar, Rafael redondeou a vitoria do líder establecendo o 5-1 final.
Ficha técnica
Inter Movistar: Jesús Herrrero, Murga, Pola, Ricardinho, Cardinal-cinco inicial- Tobe, Rafael, Rivillos, Batería, Borja, Nano Modrego.
Burela Pescados Rubén: Álex, Mimi, Isi, David, Matamoros –cinco inicial- Iago Míguez, Hugo, Carlitos, Antoñito, Juanma.
Goles: 1-0, m.3, Cardinal; 2-0, m.8, Tobe; 2-1, m.24, Matamoros; 3-1, m.30, Rivillos; 4-1, m.31, Rivillos; 5-1, m.35, Rafael.
Árbitros: Díaz Rodriguez e García Hernández. Amosaron cartón amarelo a Batería no Inter; a Mimi e David no Burela.
*Foto: Prensa Inter Movistar.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
