Ribadeo, 11 de abril de 2014. Desde este martes estará aberto o punto de información turística da praia das Catedrais para atender aos milleiros de visitantes que se achegarán ata este areal durante a Semana Santa. O alcalde, Fernando Suárez, subliñou que os albergues están cheos e que as expectativas no sector hoteleiro son boas para estes días.
O rexedor asegurou que “estamos con todo preparado xa nestes días de semana santa, nos que moita xente aproveita para ter unhas pequenas vacacións e Ribadeo é lugar de destino, cada ano máis, para moita xente doutras partes de Galicia, do Estado e tamén estranxeiros. De aí que teñamos xa feito un reforzo dende o punto de vista da información turística tanto na oficina de Ribadeo, que está no parque, como tamén no punto de información turística das Catedrais, que abrirá desde mañá, martes, en horarios de mañá e de tarde porque contamos cunha masiva afluencia de visitantes”.
Suárez Barcia sinalou que “falando esta mañá coas técnicas de turismo, que estiveron sondando o nivel de ocupación previo, este pode ser igual ou mellor que o ano pasado, dado que a día de hoxe moitos dos establecementos andaban nunha media do 75 por cento e tiñan boas vibracións para esta semana santa. Notamos un incremento importante de peregrinos, temos cheos tanto o albergue de Ribadeo como o de Vilela, aínda que dende logo o fenómeno das Catedrais segue medrando día a día; é incontable o número de chamadas telefónicas que todos os días fan á oficina de turismo de Ribadeo para preguntar información, sobre todo de mareas. Incluso a páxina web de Meteogalicia ten un apartado especial para a praia das Catedrais. Ademais, pola información que me pasan dende a oficina de turismo, mesmo axencias andaluzas agora están traendo turistas da Costa do Sol, quizais porque alí xa está todo moi masificado, sobre todo co reclamo principal da praia das Catedrais”.
O alcalde de Ribadeo engadiu que “co Concello, dando o mellor de nós mesmos, e tamén co bo labor dos hostaleiros, dos restauradores, de toda esta xente profesional que temos aquí, en Ribadeo, estou convencido de que vamos facer que cada ano Ribadeo estea mellor posicionado no ranking de destinos turísticos preferentes”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
