Foz, 21 de abril de 2014.- Persoal de corpos de Protección Civil e servizos de emerxencias de seis concellos da comarca da Mariña participan dende este luns no primeiro dos cursos de formación específica que convoca a Xunta de Galicia para o presente ano, que ten como marco o Centro de Interpretación da Mariña (Cenima) de Foz.
A delegada territorial da Xunta, Raquel Arias, participou na apertura desta programación formativa, na que participan 25 representantes destes corpos de actuación en materia de emerxencias dos concellos de Foz, Barreiros, Cervo, Viveiro, A Pontenova e Mondoñedo. Da organización e impartición dos cursos encárgase a Dirección Xeral de Emerxencias, en colaboración coa Academia Galega de Seguridade Pública.
Durante o inicio deste curso, Arias gabou o papel que xogan estas agrupacións “no marco dun sistema de cobertura de emerxencias que resulta cada vez máis profesional e eficiente”.
Arias destacou que as agrupacións de Protección Civil están “agora máis asistidas” grazas á posta en marcha de servizos profesionais de emerxencia na provincia, “pero seguen sendo igualmente necesarias”.
Na actividade de Foz, que ten por título Curso básico de Protección Civil e que serve de punto de partida para a planificación do primeiro semestre do ano nesta materia, incidirase en aspectos como a lexislación básica en materia de Protección Civil, a planificación e as redes e sistemas de alerta. Así mesmo, os participantes recibirán tamén nocións sobre comunicacións de emerxencias, seguridade viaria, primeiros auxilios e intervencións en emerxencias sanitarias, evacuacións e actitudes para auxilio psicosocial.
Este curso desenvolverase durante toda a presente semana, sumando en total 20 horas formativas e culminando o sábado coa realización dunha xornada de prácticas sobre os temas impartidos.
O curso de Foz serve de punto de partida para unha programación que nesta primeira quenda do ano aglutina outros catro cursos, o segundo dos cales terá lugar a partir do mes de maio en Monterroso, coa mesma base temática que o que se desenvolve no Cenima focense.
Así mesmo, completan o programa para este primeiro semestre un curso sobre busca de persoas en zonas illadas, un sobre incendios urbanos e forestais, e outro sobre accidentes en estradas.
A delegada recoñeceu “o traballo desinteresado” das agrupacións de voluntarios de Protección Civil, “que son de gran axuda para os concellos e que durante demasiado tempo careceron do soporte duns servizos de emerxencia profesionais próximos cos que colaborar”. Neste sentido, fixo referencia ao amplo traballo que estes grupos desenvolveron nos últimos meses para atender ás numerosas continxencias producidas durante o inverno, que nesta zona supuxeron lamentablemente a desaparición de varios persoas.
Nos últimos anos, apuntou, “habilitouse na provincia unha rede profesional e eficaz de servizos de emerxencia, con seis parques comarcais de bombeiros e sete GES, que estenden a cobertura a toda a provincia e garanten unha resposta rápida ante as situacións de emerxencia”. De todos os xeitos, subliñou, “estas agrupacións de voluntarios seguen a desempeñar un papel fundamental para os concellos”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
