Cervo, 24 de abril de 2014.- Uns 50 nenos e nenas de 3º a 6º de primaria do CEIP Cervo nº1, situado en San Cibrao, coñeceron o mediodía deste xoves o Punto Limpo, no polígono de Cuíña. O alumnado participou nunha visita guiada por esta instalación, deténdose en cada contedor e escoitando as explicacións dos técnicos sobre o tipo de residuos que se deben depositar en cada un deles.
Ademais, os traballadores fixeron fincapé na necesidade de coidar e protexer o medio ambiente, e a importancia que ten utilizar o Punto Limpo para desfacerse daqueles residuos que polas súas características, pola súa natureza contaminante ou polo seu volume, non se poden botar aos colectores tradicionais.
Da mesma maneira, o Concello explicoulles que o Punto Limpo é o único lugar onde deben acabar eses tipos de residuos, e nunca tirados nas rúas ou en calquera espazo público onde se crean vertedoiros incontrolados. Os escolares tamén recibiron algunha noción sobre o funcionamento da instalación, coñecendo, por exemplo, que todos os residuos depositados alí foron levados por veciños, que se clasifican nos 28 colectores diferentes e que son recollidos por xestores autorizados.
A edil de Medio Ambiente, Begoña Alonso, acompañou ao alumnado na visita e destacou que “es muy importante trabajar en la concienciación medioambiental desde la infancia con actividades en las que visualicen los beneficios de cuidar el entorno o los problemas que causa no hacerlo”. Alonso destaca tamén que “los niños tienen una gran capacidade para influir en los mayores y hacerles cambiar de actitud. Así, si ellos están concienciados, cuidarán el medio ambiente y y harán que todos lo cuidemos”.
Cabe lembrar que o martes que vén serán os nenos e nenas do colexio de Cervo os que visiten o Punto Limpo. Esta será a última actividade que se desenvolva no Mes do Medio Ambiente, que o Concello celebra en abril. Ao longo destas semanas a administración local ofreceu charlas sobre separación de residuos, colaborou na recollida de plásticos na praia de Rueta, organizou o IV Concurso de fotografía medioambiental “Cervo respecta” e estas visitas ao Punto Limpo.
A edil quixo agradecer e recoñecer “la excelente labor pedagógica que realizan los centros escolares del municipio y su profesorado en temas medioambientales” así como “la buena acogida que han tenido en la comunidad escolar las visitas al Punto Limpio, al igual que otras actividades que son posibles a través de su colaboración”.
Información aos usuarios
O Punto Limpo está situado no polígono de Cuíña. Permanece aberto os martes e xoves de 8 a 15 horas. Para resolver calquera dúbida poden contactar co Concello no 982 55 77 77.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
