BARREIROS (FNC) .- O alcalde de Barreiros, Alfonso Fuente, entende a intranquilidade de construtoras e sindicatos trala parálise que sofre o sector na Mariña e concretamente neste concello. O rexedor lembra que “a Xunta suspendeu no ano 2006 a normativa municipal e non se puideron conceder máis licencias e non só eso, senón que o anterior bipartito iniciou a revisión de todos os expedientes, de todas as licencias e durante dous e medio aproximadamente non deu solución ningunha a esto”. Fuente Parga recoñece que o bipartito “sí plantexou algúns convenios que nunca se chegaron a firmar, evidentemente porque non gustaban. A nós nos puxeron enriba da mesa convenios que non eran lóxicos nin eran convenientes para o noso concello e eu teño que defender os intereses do meu concello e nalgún momento cando o concello puxo algún punto neses convenios pois á Xunta non lle interesaba asinalo”.
O rexedor barreirense considera que “agora hai que pensar que o goberno do PP na Xunta leva desde que tomou posesión entorno a 70 días, entendo a urxencia que teñen algunhas das empresas para poderen rematar as súas construcións e desbloquear esta situación de parón urbanístico que hai en toda a A Mariña e concretamente en Barreiros. Teño que entendelo, como entendo tamén ós sindicatos que buscan un posto para os traballadores ós que representan. Hai que entendelo porque somos persoas e vemos o día a día da xente na calle e o que está pasando, pero tamén hai que entender quen creou esta situación”.
Carta ó conselleiro
Alfonso Fuente asegura que xa lle dirixiu unha carta ó conselleiro de Política Territorial pedíndolle que actuara neste concello “aquí se personou en Barreiros diante dos veciños e dixo que se ía solucionar este tema. Pero tamén digo que hai uns prazos legais e un tempo para buscar unha saída, unha solución sempre dentro da legalidade e non vaiamos facelo tan rápido que poidamos cometer ilegalidades ou irregularidades”.
O alcalde descoñece “si as medidas de presión as que falan APEC e os sindicatos son acertadas ou non, eles o terán que valorar, pero creo que non condicionarán nin ó goberno da Xunta nin ó Concello… estamos facendo todo o máis rápido que podemos tanto desde Barreiros como desde a Xunta, pero os prazos son os que son e hai prazos legais, e evidentemente ás veces son insalvables e hai que respectalos”. Alfonso Fuente entende que “debe de haber un consenso e nesa xuntanza entre APEC e sindicatos faltan outras dúas partes como son Concello de Barreiros e Xunta de Galicia e creo que temos que chegar a un acordo entre todas as partes e creo que todos estamos na liña de solucionar o problema. Non poden dicir o mesmo os que estaban no bipartito na Xunta, porque alguén que creou o problema despois resulta que eran os que tiñan a solución, non parece serio iniciar unha revisión e despois plantexar un convenio ou unha solución. O máis sinxelo para un goberno é non crear un problema para despois non ter que poñer a solución, eso é o máis sinxelo e o máis coherente, pero como xa pasou noutras ocasións o PP ten que arranxar os desaguisados doutros gobernos”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
