A Mariña, 29 de abril de 2014. O Bloque Nacionalista Galego fai un chamamento á mobilización social para que a manifestación do 1º de Maio convocada pola CIG baixo o lema “Contra a explotación e a pobreza. Fagámoslle fronte á Unión Europea. Organización, loita e soberanía” sexa a demostración de que as mulleres e homes desta comarca apostan por outras políticas para saír da crise que non sigan empobrecendo ás maiorías sociais. A publicación dos datos da EPA deste trimestre certifican que Galiza ponse á cabeza do estado na destrución de emprego con case 297.000 persoas e o maior incremento interanual xunto coas illas Baleares.
“Na nosa comarca levamos anos sufrindo as políticas dos gobernos galego e español que o único que conseguen son o aumento do número de persoas desempregadas e o peche de cada vez máis empresas”, aseguran desde o BNG. “O peche e os continuos ERE’s en empresas emblemáticas da comarca como Muebles Hermida, Contrucciones Mon, Gres Burela, Ecar ou a máis recente Sargadelos, son mostra de que as políticas postas en marcha primeiro polo PSOE e agora polo PP non fan máis que empeorar a situación laboral da xente e seguir destruíndo emprego e rebaixando a calidade do existente.”
Os datos publicados este martes pola EPA reflicten a necesidade de mobilizarse social e electoralmente contra as políticas da austeridade impostas pola Troika e seguidas fielmente polo Partido Popular. Para o BNG non queda outra que rebelarse contra este modelo económico á vista da constante sangría do desemprego que neste trimestre, segundo estes datos, sitúan a Galiza á cabeza do estado na destrución de emprego con case 297.000 persoas desempregadas, 16.000 mais que no trimestre anterior e 9.100 mais na comparación interanual. O BNG insiste na sangría que se está producindo na comarca mariñá onde, nos últimos anos, máis de 3.000 mozas e mozos foron expulsados fóra en busca de oportunidades e emprego que na nosa comarca non atopan.
Fronte a isto, o BNG aposta por “pór en marcha políticas activas de emprego, que poñan en valor todos os recursos que ten a comarca e que freen o desmantelamento industrial de A Mariña e, sobre todo, que eviten que a xente siga marchando para buscar a vida fóra da súa terra.”
Por iso, os nacionalistas insisten en que “é preciso liberarse das políticas chamadas de austeridade, impostas pola UE e aplicadas polos gobernos estatal e galego, que impiden que a economía galega e mariñá se reactive e permita crear emprego. É preciso poder ser donos dos nosos sectores produtivos: agro, pesca, naval… e poñer o País a producir, sen máis intereses que os das galegas e os galegos que temos dereito a traballar e vivir na nosa Terra.”
A formación nacionalista convida ás mulleres e homes da comarca de A Mariña a acompañalos na manifestación convocada pola CIG para o vindeiro xoves, 1 de maio, ás 12:30h, que partirá de diante da fábrica de Sargadelos, a modo de apoio simbólico ás súas empregadas tras os últimos despedimentos da empresa.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
