Osa do Mar é un festival de música en Burela que se celebrara o 12 e o 13 de setembro na zona da Marosa con músicavariada entre o rock, o pop e o indie organizado por Fanto Fantini, unha asociación cultural de nova creación e sen ánimo de lucro que ten como intención promover actividades culturais e deportivas e ofrecer servizos de comunicación.
O cartel que se podería considerar alternativo, underground e de calidade intentando fusionar diferentes estilos, ven de incorporar a Grampoder, Killimanjaro, Los Septiembre, Santa Rita, Moondogs Blues Party e Sunday Morning Club. Son, pois, 13 os grupos confirmados para o Osa do Mar que xa contaba con Triángulo de Amor Bizarro, The Glockenwise, Guerrera, Acid Mess, The Brosas, Ataque Escampe e Skohlma.
Ademais os organizadores do festival, Fanto Fantini, puxeron a andar a web oficial do Festival
www.osadomar.com onde se pode atopar accesos ás novas redes sociais (facebook, twitter, YouTube, instagram e spotify) e ó blog de Osa do Mar. A web e as redes sociais serán a ferramenta central para ofrecer toda a información.
Osa do Mar pretende reivindicar que “A Mariña de Lugo está viva e en movemento, que somos capaces de organizar eventos culturais, diferentes e que hai espazo e oportunidade para dar unha imaxe dinámica e moderna dunha zona cun potencial enorme en todos os sensos”.
Tendo en conta que se trata da primeira edición “non queremos arriscar no tema da contratación de grupos estudando en produndidade dos gastos. Queremos coidar moito o tema da organización e da comunicación para que se convirta pouco a pouco nun festival de referencia con constancia no tempo. Pretendemos que o festival sirva para dar unha imaxe dinámica e moderna de Burela, da Mariña e de Lugo. O obxectivo pasa porque se converta nunha actividade cultural importante e que aporte beneficios directos en canto á promoción turística e económica da zona”.
Baixo a reivindicación de que “A Mariña está viva e en movemento”, tentando demostrar que se poden organizar eventos culturais diferentes e que hai espazo e oportunidade para eles, os rapaces que se poñen á fronte da organización pretenden que “sexa unha fin de semana de festa completa” con música galega alternativa como fío conductor que ofreza ademais outras actividades como: acampada gratuíta co abono de dous días, aparcamento, zona de comida e de tendas, zona exposición, concursos, transporte frecuente de ida e volta a Burela, proba do campionato galego de surf, ruta BTT con final no recinto dos concertos, zona de actividades de aventura (rocódromo, paintball…), actividades a mediodía, concertos previos á fin de semana do festival…
Entradas
Xa están á venda as entradas para Osa do Mar desde a propia web enlazando coa páxina de ticketmaster e nas oficinas de NovaGalicia Banco.
Os prezos anticipados son de 6 euros para un día e 10 euros o abono para a fin de semana completa que inclúe a acampada. En ningún dos casos inclúe gastos de envío. Tamén se habilitarán puntos de venda en diferentes vilas e cidades.
Patrocinio e colaboracións
Contan cun grupo de traballo integrado por 15 persoas como núcleo forte con coñecementos en diferentes eidos. Así mesmo, xa contan con 40 voluntarios que ofreceron a súa colaboración; pero, aínda así, continúan na procura de patrocinadores e colaboradores.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
