Ribadeo, 2 de maio de 2014. A programación cultural do Concello de Ribadeo para os meses de maio e xuño inclúe música, teatro e actividades para os máis pequenos. A axenda arrinca esta fin de semana co concerto que ofrecerá mañá no Teatro Fernando Pérez Fernández e segue o domingo con teatro no auditorio municipal.
A concelleira Mariluz Álvarez Lastra sinala que “é unha programación cultural que, como sempre, intenta tocar todas as disciplinas artísticas: dende a música á danza, o teatro profesional, o teatro para os máis pequenos e tamén, como non podía ser doutra maneira, o teatro afeccionado”.
Para a edil de Cultura “quizais o máis destacable é que o conxunto da programación cultural non soamente está organizado pola propia Concellería senón que vai haber moitas actividades das asociacións culturais e dos colectivos que habitualmente traballan e desenvolven a súa actividade cultural no noso concello: a banda municipal, a coral polifónica, a asociación Amigos da Gaita, a asociación Paco Lanza e diferentes institucións que poñen o seu gran de area para que a nosa programación cultural sexa cada vez máis dinámica e produtiva”.
Álvarez Lastra dixo que “esta programación cultural de maio e xuño comeza este fin de semana, concretamente este sábado 3 teremos no Cine Teatro Ribadeo ás oito e media da tarde, dentro do ciclo Músicas Posíbeis, a Fernando Pérez Fernández, que é un guitarrista e o seu concerto titúlase Unha viaxe polas emocións guitarrísticas. Non soamente vai actuar ás oito e media senón que antes, ás seis e media da tarde, vai facer unha master class para os nosos alumnos e alumnas da escola de música do ámbito da guitarra e tamén para aquelas outras persoas que estean interesadas en asistir, porque vai ser no Cine Teatro totalmente de balde. Polo tanto ao mellor ten cabida para que algunha persoa que sexa afeccionada a este instrumento poida ir tamén”.
A concelleira nacionalista seguiu a relatar que “continuaremos o domingo 4 con teatro profesional, neste caso temos á compañía Volta e Dalle ás oito e media da tarde no auditorio municipal Hernán Naval e a obra que van poñer en escena é Dura Lex”.
Mariluz Álvarez Lastra tamén aludi á celebración dos Maios, “que foi unha actividade que comezamos o ano pasado cun éxito notable e que á xente que participou, os nenos, as nenas e as súas familias, lles gustou moito e que, como pensaron que se ía facer este día 1 estaban un pouco pendentes de se o celebraríamos. Entón quero anunciar para todos os nenos e nenas e as súas familias que o domingo 11 imos celebrar Os Maios. Imos informar nos centros educativos, como ven sendo habitual, se o tempo o permite imos facelo fóra, no parque de San Francisco, rodeados de todas as flores que temos aquí e senón nos baixos da Casa do Mar, como foi o ano pasado. Que vaian recollendo xa os seus fiunchos e flores porque o día 11 de maio temos unha cita”.
En maio tamén haberá o día 10 na biblioteca a partires das 17:30 horas o espectáculo As aventuras de Quebranoces, con Musicreques. E o día 18 ás 17:30 horas tamén terá lugar A función d@s pícar@s, a cargo de Javier Fernández e Charo Pita que porán en escea Palabras percuditas.
En xuño haberá dous concertos dentro do ciclo Músicas Posibeis. Serán os días 15 e 22 a cargo de Os Folkgazais e Uxía, respectivamente.
A concelleira de Cultura manifestou que “todas as persoas que o desexen poden anotarse no enderezo cultura@ribadeo.org para que lles poidamos mandar esta programación cultural semana a semana, que se fagan tamén cos folletos da programación cultural, que están en moitos locais do Concello e tamén na hostalería, porque sería moi difícil dar aquí conta de toda a actividade que imos ter pois todos os fins de semana están ateigados de cursos, de música e teatro ao longo destes dous meses”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
