O pasado 30 de abril publicouse a “Resolución de Educación Dixital” , unha decisión da autoridade educativa pola que se abre unha convocatoria para participar nun proxecto experimental de tal nome.
Coma sempre, pensamos que as Anpas temos algo que dicir na educación, e que tería sido boa cousa que pediran a nosa opinión sobre este proxecto; como non fixeron tal , teremos que dala a coñecer por outros medios, e a prensa é o máis importante de todos eles.
Pensamos que:
É un proxecto que rebela improvisación: pretenden organizar a educación dixital dos nosos fillos cunha convocatoria do 30 de abril do ano anterior que dá só un mes ao profesorado para elaborar un proxecto docente que implique a todo o curso seguinte-
É novamente, como todo Abalar, un proxecto que non contempla a imprescindible formación previa de todo o profesorado, sen esa formación os proxectos convírtense en voluntaristas, e iso fainos ser inoperativos a nivel global.
Ofrécensenos 3 anos de aplicación. Un proxecto educativo non pode nacer con data de caducidade, iso é dilapidar fondos públicos.
Discrimina aos centros e ao alumnado ao ser voluntaria a súa aplicación. A administración educativa, a conselleria, ten que deseñar proxectos que se apliquen necesariamente en todos os centros de ensino públicos, cunha planificación temporal, tecnolóxica, laboral e económica clara e crible. O que non é para todos é discriminatorio e clasista.
Fálasenos de que a incorporación das TIC á educación é unha realidade en Galicia: iso é falso; a implantación das TIC en Galicia é desigual e descordinada, precisamente porque non existe esa planificación responsable da que falabamos antes. Por outra parte a consellería identifica a tecnoloxía co cambio metodolóxico e non é asi, as TIC son unha ferramenta imprescindible, pero o importante é o cambio de métodos de ensino e aprendizaxe
En resumo, A Confederación de Anpas Galegas, ten que rexeitar esta Resolución que non supón un avance real nas necesidades do ensino público galego, e solicitar novamente que a consellería de educación do noso goberno planifique e organice o futuro da nosa educación pública dun xeito global, e que o alcance desa organización chegue a todo o noso País e a todas as nosas nenas e nenos uniforme e equitativamente.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
