Burela, 5 de maio de 2014. O alcalde, José Mª González Barcia, destaca a importancia que ten para Burela a celebración na vila da Copa España de fútbol sala feminino, prevista para os días 7 e 8 de xuño.
O rexedor dixo “para o Concello é enormemente significativo que a Federación teña elixido a Burela como sede da Copa España de fútbol sala feminino, que se celebrará os días 7 e 8 de xuño. Deste xeito se recoñece publicamente o labor feito, non só polo Burela FS en sí mesmo senón basicamente polo traballo feito pola plantilla feminina durante a tempada pasada e durante a presente”. González Barcia lembrou que “na tempada 2012/2013 o Burela FS feminino foi campión de liga e campión de España e nesta tempada pelexa co Atlético de Madrid Navalcarnero polo título de liga”.
O alcalde burelés subliñou que “para o Concello é unha enorme satisfacción que a Federación teña elixido unha vez máis a Burela para que sexa sede dun evento deportivo de semellante categoría, que traerá á nosa vila aos catro mellores equipos da liga de fútbol a nivel nacional, e entre eles estarán as nosas representantes”.
González Barcia dixo que “estou completamente seguro que o Concello e o pobo de Burela saberá acoller e recibir con brazos abertos este evento deportivo que, unha vez máis e grazas ao fútbol sala feminino, sitúa a Burela como epicentro do mundo do deporte nacional. Desde o Concello colaboraremos con todo o que nosoutros poidamos co Burela FS para que a organización sexa exquisita e que todo discorra como todos queremos. Somos plenamente conscientes de que non só a nivel deportivo este evento é importante, senón que tamén o é como promoción turística da nosa vila, do noso concello”.
Baloncesto
O rexedor tamén tivo palabras de recoñecemento para as xogadoras do Burela Pescados Rubén, de baloncesto feminino, que acaba de proclamarse campión da segunda división autonómica. José Mª González Barcia recoñece e agradece “o esforzo e o traballo que se fixo e que se está a facer desde o Club Baloncesto Burela, felicitamos ao Club e ás xogadoras polo éxito acadado e seguiremos a colaborar con elas na medida das nosas posibilidades, tal e como viñemos facendo ata o de agora”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
