52 camiñantes da ACD Xove percorren un treito do Camiño dos Faros

Este domingo 4 de maio, 52 camiñantes do Grupo de Sendeirismo da ACD XOVE desprazaronse a Camariñas para facer unha espectacular ruta de sendeirismo, a 5ª etapa dende “Santa Mariña a Camariñas” da ruta “O Camiño dos Faros”.
Percorreron un total de 20 quilómetros por preciosas e case salvaxes praias, como a do Trece, de Reira e de Arealonga. Tamén disfrutaron da duna rampante do Monte Branco onde a area da praia sube pola ladeira do monte ata unha altura de 150 metros. A comida fíxose nas instalacions do Faro do Cabo Vilán que conta con terraza, salas de exposicións e cafetería. Finalmente chegaron ó Porto de Camariñas arredor das seis e media da tarde despois dun día totalmente soleado.