Lourenzá, 9 de maio de 2014. O Concello de Lourenzá homenaxeou aos atletas das escolas deportivas municipais que lograron medallas nos campionatos galegos de campo a través e de pista cuberta.
O acto, celebrado na tarde de onte na Casa do Concello, foi presidido pola alcaldesa, Emma Álvarez Chao, quen hoxe explicou que “os rapaces que foron homenaxeados son os do equipo alevín feminino de campo a través, que conseguiu ser campión galego nesta disciplina e estaba formado por Ana, Ainara, Hiba, Ainhoa, Carme e Marta. Tamén o equipo alevín masculino de campo a través, que foi subcampión galego e estaba composto por Alex, Nico, Hugo, Aleix, Xaquín e Mario. No campionato galego de pista cuberta houbo varios medallistas individuais que onte tamén foron homenaxeados dende o Concello: Fernando Vallines, campión galego en peso; Ainara Rodríguez, subcampiona galega en 50 e 500 metros; Ana Vallines, campiona galega en 1.000 metros; Alex Santiago, subcampión galego en 1.000 metros; Aleix Díaz, sucampión en 50 e 500; e Lidia Barreira, bronce en triple salto infantil”.
A rexedora municipal engadiu que “con estes rapaces e rapazas estiveron os seus compañeiros da sección de atletismo, tanto nenos como adultos. A maior parte destes alumnos son os pais dos nenos que compiten, que se animaron a practicar este deporte logo de ver como os seus fillos despuntan e se esforzan para acadar sempre mellores resultados nas distintas competicións ás que van. Nesta recepción estiveron tamén presentes o concelleiro de Deportes, Pablo Maseda, e outros concelleiros da corporación municipal, non soamente do equipo de goberno senón tamén do grupo socialista”.
Emma Álvarez destacou que “a sección de atletismo que agora mesmo hai nas escolas deportivas Lourenzá-Mondoñedo está formada, na sección adulta, por xente comprometida que, de xeito desinteresado, axudan ao propio adestrador, Rubén García Piñeiroa, tanto nos adestramentos como nas distintas competicións ás que van. Os propios pais son os delegados que van xunto co adestrador ás competicións para facelas máis levadeiras para os nenos que participan nelas. Co recoñecemento que se fixo onte no Concello o que pretende o equipo de goberno é que lles sirva como estímulo para seguir traballando na procura de novos éxitos para a sección de atletismo e tamén a nivel individual”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
