A estrea de Vista Alegre nun Play Off polo título non foi a desexada para o Burela Pescados Rubén que caeu ante o poderoso ElPozo Murcia por 3-8. Con esta vitoria os murcianos adiántanse (1-0) na serie de cuartos de final, o segundo choque dispútase no Palacio dos Deportes de Murcia o vindeiro venres 16, ás 21.00 horas.
Desde o inicio o duelo foi un ida e volta constante no que os murcianos sacaron maior rentabilidade. Bebe, nunha acción de estratexia, e Raúl Campos tras roubar en media pista e bater a Álex no man a man abriron unha brecha (0-2) que condicionou o encontro. O golpe murciano tivo resposta laranxa, Fabio evitou o primeiro intento pero noutra volea Matamoros marcou un golazo para recortar distancias (1-2) aínda que Adri volveu golpear a moral burelesa. Nunha falta ao bordo do área, tras pisar Kike, o xogador galego enviou un zurdazo inapelable á escuadra (1-3). Tras superar o ecuador do primeiro periodo e con esta renda os murcianos buscaron enfriar o partido que entrou nunha fase mais anodina.
O Burela Pescados Rubén buscaba as súas opcións para meterse no choque e nun arranque de Mimi por banda dereita Juanma cazou o balón ao segundo pau e marcou o 2-3. O ritmo volveu incrementarse na pista pero no intercambio de ocasións os mariñáns saíron danados. Fabio evitou o empate a disparo de Isi e a continuación unha xenialidade de Grello supuxo o 2-4, cortando de novo a reacción do Burela Pescados Rubén que, co cupo de faltas cuberto, apostou por Burrito como porteiro xogador e tivo as súas opcións. Unha vez máis, a definición pimentoneira marcou a diferenza xa que José Ruiz aproveitou un balón solto para marcar desde a súa pista o 2-5 co que se chegou ao descanso.
Na continuación, no primeiro minuto Franklin minou a moral mariñá marcando o 2-6 e deixando practicamente sentenciado o partido. O Burela Pescados Rubén perseverou no seu intento pero ElPozo xa manexaba o tempo do choque con tranquilidade. Matamoros fixo o 3-6 e como en anteriores ocasións, resposta inmediata visitante co tanto de Raúl Campos (3-7). No último minuto Grello redondeou a vitoria murciana (3-8).
Ficha técnica
Burela Pescados Rubén: Álex, Antoñito, Iago Míguez, Isi, Juanma –cinco inicial – Matamoros, Mimi, Burrito, Hugo, Christian, Carlitos.
ElPozo Murcia: Fabio, José Ruiz, Grello, Franklin, Eka –cinco inicial- Adri, Raúl Campos, Kike, Bebe, Juampi, Jesús, Fernan.
Goles: 0-1, m.5, Bebe; 0-2, m.6, Raúl Campos; 1-2, m.7, Matamoros; 1-3, m. 9, Adri; 2-3, m. 17, Juanma; 2-4, m.17, Grello; 2-5, m.20, José Ruiz; 2-6, m.21, Franklin; 3-6, m.26, Matamoros; 3-7, m.26, Raúl Campos; 3-8, m.40, Grello.
Árbitros: Gallo Suárez e Velasco Martínez de Asturias. Cartón amarelo no ElPozo Murcia a Grello (m.3), Adri (m.11), Eka (m.15), Jesús (m.32). Polo Burela Pescados Rubén a Burrito (m.14), Mimi (m.24), Alex (m.33) e expulsaron a Hugo por dobre cartón amarelo (m.17 e m.35).
Incidencias: Primeiro partido de cuartos de final Play Off Título de Liga. Disputado no pavillón Vista Alegre de Burela. 1100 espectadores. Gardouse un minuto de silencio en memoria dos rapaces finados no tráxico accidente en terras extremeñas e que pertencían ao CD Monterrubio de Fútbol Sala. Antes do inicio, o equipo feminino do Burela Pescados Rubén ofreceu a Copa Galicia 2014 conquistada en Ferrol a afección laranxa.
*Fotos: A Caixa Escura.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
