Ribadeo, 12 de maio de 2014. Dentro do programa Astronomía ao alcance de todos, que están a levar adiante o Concello de Ribadeo e a Universidade de Santiago de Compostela, este mércores, 14 de maio, haberá unha actividade astronómica no colexio Sagrado Corazón e para a noite, a partires das 23 horas, hai programada unha observación no porto de Rinlo, que está aberta a todas as persoas que desexen acudir.
O concelleiro de Medio Ambiente, Horacio Cupeiro sinalou que “despois tamén faremos outro día a mesma actividade no colexio Gregorio Sanz e a observación na parroquia de Remourelle. Xa avisaremos con antelación para que poidan asistir todos os veciños que queiran doutras parroquias.Trátase de observacións abertas a todo o mundo para disfrutar desa astronomía ao alcance de todos. Hai moita xente que nunca mirou a través dun telescopio e así poderá facelo grazas a este programa”.
Compostaxe doméstica
A Concellaría de Medio Ambiente entregará o vindeiro xoves, 15 de maio, os 55 composteiros ás veciñas e aos veciños de Ribadeo que participarán nun programa da compostaxe doméstico, que levarán adiante o Concello e Sogama. Horacio Cupeiro subliñou que debido ao éxito que está a ter a iniciativa e á lista de espera existente xa foron solicitados outros 25 composteiros para Ribadeo.
O edil nacionalista explicou que “dado o grande éxito que tivo o programa de compostaxe caseiro que realizamos o pasado 29 de abril en Ribadeo e dado que quedaron en lista de espera moitos veciños, desde o Concello solicitamos outros 25 composteiros. Xa nos contestaron que van satisfacer as nosas necesidades, polo que todas as persoas que vivan no periurbano de Ribadeo ou no rural poderán solicitalos”.
Cupeiro lembrou que “todo isto traerá como consecuencia o envío de menor cantidade de quilos de lixo a Sogama e un beneficio de nutrientes para as nosas hortas. Todas as persoas que queiran solicitar composteiros poden facelo chamando ao Concello e seguiremos unha rigorosa orde de inscrición”.
O concelleiro de Medio Ambiente indicou que “o vindeiro xoves, 15 de maio, de 11:30 a 12:30 horas farase entrega dos primeiros 55 composteiros ás persoas que asistiron ao curso. Agardámolos alí, detrás da Casa da Mar, que é onde temos os composteiros”.
Xeolodía
Cupeiro amosouse moi satisfeito da acollida e do éxito que tivo o Xeolodía 2014, que se celebrou o pasado sábado en Ribadeo. A actividade levou por título As catedrais: pasado e futuro nas mans do Cantábrico. Os asistentes realizaron un routeiro guiado pola costa ribadense desde Piñeira ata As Catedrais. O Xeolodía foi organizado pola Sociedad Geológica de España e polo Concello de Ribadeo.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
