Cervo, 12 de maio de 2014- O Concello de Cervo ultima os preparativos para a celebración da I Concentración de Coches Clásicos que terá lugar este domingo. Un evento ao que xa está confirmada a asistencia de 40 coches antigos procedentes da Coruña, Narón, Ourense, Lugo e diferentes puntos de Asturias.
Polo tanto, agárdase a participación dunhas 100 persoas, entre condutores e acompañantes. De todos os xeitos trátase dunha cifra provisional xa que o prazo de inscrición péchase o día 14 (no 669 653 977). Desta maneira “agardamos un destacable número de visitantes para esta fin de semana a través dun evento que terá un dobre beneficio para Cervo” asegura o edil de Zona Rural, José Ramón Soto.
Por unha banda, un cento de persoas de toda Galicia e Asturias “coñecerán o noso municipio e os seus enclaves turísticos”. E por outra banda a chegada de, como mínimo, 40 vehículos clásicos “será un atractivo para moitas persoas da zona que ben seguro visitarán Cervo para contemplar de preto este espectáculo”, engade Soto.
Ao mesmo tempo, o edil lembra o impacto que terá esta concentración na economía local. “A repercusión será inmediata, xa que esas 100 persoas pasarán todo o día en Cervo, xantarán en restaurantes do municipio e farán vida o noso concello”, explica. Da mesma maneira, visitarán a fábrica de Cerámica de Sargadelos, o Museo do Mar e a carpintería de ribeira.
Soto tamén destaca o posible retorno turístico deste evento a medio-longo prazo xa que se trata de 100 persoas que visitan o concello, a maioría por primeira vez, polo que “agardamos que queden contentos coa súa estancia e volvan noutras ocasións e incluso falen de Cervo aos seus familiares e coñecidos”.
Programa
A concentración arrincará ás 11:30 horas da praza do Concello de Cervo, incluíndo unha ruta polos puntos máis atractivos do municipio e que rematará na praza dos Campos de San Ciprián, onde está prevista a chegada a partir das 14:30 h. En concreto, discorrerá por lugares como o Conxunto Histórico Artístico de Sargadelos, as inmediacións da praia de Rueta, o núcleo de San Ciprián, ou o faro de Punta Atalaia. Este evento está organizado polo Autoclub Clásicos Narón coa colaboración do Concello de Cervo.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
