Tempada histórica. Guiados por Juanlu Alonso, que tras salvar ao equipo do descenso na tempada anterior, logrou na actual a primeira clasificación da historia do club burelés para o Play Off polo título de Liga de Primeira División. A escuadra laranxa que cumpre a súa segunda tempada na máxima categoría, acadou o pase ao Play Off tras unha brillante segunda volta na que foi o cuarto mellor equipo da competición.
O Burela Pescados Rubén disputa o segundo encontro de cuartos de final Play Off polo título de Liga de Primeira División o venres 16, 21.00 horas, no Palacio dos Deportes de Murcia. ElPozo Murcia ten a eliminatoria ao seu favor (1-0) trala vitoria lograda en Vista Alegre e conta con dúas oportunidades como local para conseguir o pase a semifinais. Malia todo, o Burela Pescados Rubén pelexará por levar a eliminatoria a un terceiro encontro que se disputaría o domingo 18, 12.00 horas.
O duelo ante os murcianos preséntase como un desafío de envergadura. Remontar a eliminatoria ante un dos grandes do Fútbol Sala que ademais converteu o Palacio dos Deportes nun auténtico fortín inexpugnable….. case inexpugnable… porque hai un equipo que logrou bater aos murcianos na súa casa e non é outro que o Burela Pescados Rubén. Os pupilos de Juanlu derrotaron a ElPozo Murcia durante a Liga Regular (3-4) sendo o único conxunto que o conseguiu.
O desafío é complicado? Si. Imposible? Si o consigues unha vez, é que podes repetilo. Para reeditar a xesta, o técnico burelés manifestou que “somos conscientes da dificultade pero imos competir e con ánimos de revancha. Para iso debemos mellorar en todo respecto ao encontro en Vista Alegre, pero especialmente en defensa. A través do aspecto defensivo debemos comezar a fundamentar nosas opcións ofensivas e ser efectivos para ter opcións de vitoria e chegar ao terceiro partido”.
CONVOCATORIAS
Burela Pescados Rubén: Edu, Brais, Isi, Christian, Antoñito, Burrito, Matamoros, Álex, Mimi, Carlitos, Iago Míguez e Juanma.
Baixas: Hugo. O xogador laranxa desprazouse coa expedición pero tras resentirse do menisco do xeonllo dereito non poderá estar a disposición do equipo.
ElPozo Murcia: Fernan, José Ruiz, Juampi, Jesús, Bebe, Fabio, Kike, Adri, Raúl Campos, Eka, Gréllo, Franklin, Rafa e Saura.
Baixas: Álex e Miguelín.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
