NOTA DE PRENSA
O portavoz do PSdeG-PSOE no concello de Lourenzá recoñoce agora que falseou a sinatura do documento de dimisión da súa compañeira de partido e Corporación despois de telo negado desde o primeiro momento
BALSEIRO AFIRMA QUE O CAMBIO DE DISCURSO SOBRE A FALSA DIMISIÓN DUNHA EDIL SOCIALISTA DE LOURENZÁ AMOSA O PROCESO DE DESORGANIZACIÓN INTERNA DO PSOE
• O secretario xeral dos socialistas lucenses queda agora en evidencia despois de atribuír a denuncia pública a unha conspiración do Partido Popular
• Balseiro Orol empraza ao seu homólogo socialista a rectificar publicamente polas súas gravísimas insinuacións contra o PP e a desculparse ante os veciños de Lourenzá polo censurable comportamento do voceiro socialista neste concello.
Santiago, 13 de xullo de 2009.- Para o secretario xeral do Partido Popular de Lugo, Jose Manuel Balseiro Orol, que o portavoz do PSdeG-PSOE no concello de Lourenzá recoñeza agora que falseou a sinatura do documento de dimisión da súa compañeira de partido e Corporación despois de telo negado desde o primeiro momento, deixa en evidencia a posición mantida desde a dirección provincial socialista que debera realizar unha rectificación pública polas graves insinuacións realizadas contra o PP. Máis en concreto, o secretario xeral dos populares lucenses lembra as declaracións do seu homólogo socialista, Luis Ángel Lago Lage que atribuíu a denuncia pública da edil laurentina á que lle falsearon a súa sinatura da acta de dimisión a unha manobra e conspiración do Partido Popular. “Os feitos demostran agora que estas afirmacións son totalmente falsas e polo tanto esiximos unha rectificación pública do dirixente socialista e que desde esta formación política pidan desculpas aos veciños de Lourenzá polo censurable comportamento do voceiro socialista neste concello”.
Segundo Balseiro Orol o acontecido con esta cuestión pon de relevo a as malas artes que empregan os socialistas cando teñen que enfrontarse ante problemas internos derivados da súa desorganización, así como tamén a falta de escrúpulos políticos dalgún dos seus representantes que en vez de poñerse mans á obra para clarexar o alí acontecido acusa aos demais de provocar uns problemas que só eles contribuíron a xerar. O secretario xeral dos populares lucenses amósase convencido de que a xustiza clarexará o acontecido neste concello, ante o máis que probable suposto de falsificación da sinatura dunha edil pero, polo momento, o que se sabe sen espazo para a menor dúbida é que se trata dun acto responsabilidade exclusiva do PSOE que para agochalo tamén pretende falsear a realidade. Este tipo de comportamentos fan moito dano á dignidade da clase política e á imaxe que ofrece ante os cidadáns.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
