22 de maio de 2014.- A CIG-Saúde considera “inadmisíbeis” as declaracións do portavoz do grupo parlamentario do PP na comisión de Sanidade, Aurelio Núñez Centeno, ao que acusa de “mentir” sobre as razóns polas que se pechan as camas para “eludir a responsabilidade do PP na nefasta política sanitaria que están a facer”. Núñez Centeno responsabilizou, en sede parlamentaria, a traballadoras/es do peche de camas por ter un mes de vacacións e aos sindicatos de asinar un acordo para que, a cambio dese mes de vacacións se levara a cabo ese peche. “ É absolutamente falso. Nunca existiu acordo algún deste tipo entre os sindicatos e o SERGAS” afirma con rotundidade María Xosé Abuín.
A secretaria nacional de CIG-Saúde cualifica a Núñez Centeno de “ignorante” porque se, cando menos, comprobara os acordos asinados entre as organizacións sindicais e o SERGAS podería comprobar que o persoal que traballa no Servizo galego de Saúde goza dun mes de vacacións que se inclúe nun calendario de rotación que vai de xuño a setembro. “Só nos imos de vacacións o 25% de persoal cada mes, por iso non está xustificado ese peche de camas”.
A isto Abuín engade que “é un dereito de todo traballador e traballadora gozar dun mes de vacacións e é responsabilidade da administración substituír a ese persoal polos compañeiros/as –profesionais altamente cualificados para o desempeño da actividade normal- inscritos nas listaxes de contratación do SERGAS, para garantir o normal desenvolvemento da actividade e dar cobertura ás necesidades asistenciais”.
A secretaria nacional de CIG-Saúde considera que “se este deputado, como é a súa obriga, se documentase a través da páxina web do SERGAS ou do DOG daría unha información veraz e non se dedicaría a manipular a información coa intención de desprestixiar ao persoal do Servizo Galego de Saúde”.
A CIG-Saúde achega, a modo de exemplo, dous cadros nos que se recolle, no primeiro o Plan de Ordenación de Recursos Humanos do SERGAS cos datos da convocatoria de Oposición de Facultativos/as de Hospitais. Uns datos que constatan que efectivamente hai facultativos/as sobradamente cualificados/as para facer as substitucións necesarias de especialistas.
No segundo cadro recóllense dous exemplos de enfermeiros/as e celadores/as que están inscritos/as nas listaxes de contratación que se confeccionaron ao abeiro do pacto de selección temporal publicado no DOG de maio de 2012. As listas estanse publicando agora e nas mesmas figuran os efectivos dispoñíbeis para facer as substitucións nestas categorías. “Este persoal non vai ter nin un só contrato neste ano”.
A CIG-Saúde recoméndalle ademais a Núñez Centeno que “para falar das alteracións na saúde de doentes crónicos/as durante o período estival se asesore con persoal facultativo en vez de poñerse en evidencia demostrando o seu absoluto descoñecemento da realidade”.
A CIG-Saúde reitera, en consecuencia, a falsidade das acusacións do deputado do PP e mesmo se pregunta que sentido tería estar a denunciar o peche de camas e a mobilizar o persoal de existir un acordo semellante coas organizacións sindicais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
