A Mariña, 22 de maio de 2014.- O BNG celebrou un acto na tarde-noite de hoxe en Barreiros no que interviron a traballadora do Hospital da Costa, Montse Porteiro; a responsábel comarcal e portavoz municipal do BNG en Barreiros, Ana Ermida e o sindicalista Xosé Ferreiro.
Neste acto, no que o BNG pediu que “se deixen de salvar bancos e se salve á xente”, os nacionalistas esixiron a “dimisión inmediata da Conselleira de Sanidade, Rocío Mosquera e do Xerente da Área de Xestión Integrada de Lugo, Antonio García Quintáns, pola falta de respecto e de humanidade que demostran cada día, soltando mentiras e promesas e xogando coa saúde da xente.”
A formación frontista demostrou que a segunda sala de endoscopias, cuxa apertura anunciaron como inminente en febreiro deste ano, está sen o material e, polo tanto, lonxe de ser utilizada. Nas fotos facilitadas polos nacionalistas pode verse unha sala baleira, na que o único que hai é un monitor dunha antiga torre de dixestivo, inutilizada, que teñen almacenada nese espazo.
A responsábel comarcal do BNG e portavoz municipal en Barreiros, Ana Ermida preguntou “onde van os equipos por valor de máis de 130.000€ que anunciou o Sergas que se investiran na remodelación desta sala? Que nos expliquen a Conselleira e o Xerente de Lugo a onde destinaron ese material ou, no seu defecto, ese diñeiro”, esixiu.
Desde o BNG califican estas actuacións como gravísimas e consideran que “se aínda lles queda algo de decencia, deben dimitir inmediatamente. Deben saír a pedir perdón a todas as mariñás e mariñáns e, en especial, a aquelas persoas enfermas coas que levan xogando inhumanamente desde que chegaron ao goberno.”
“Esta é a política que se deseña na Unión Europea por eles mesmos. Contra isto é contra o que temos que loitar e rebelarnos o vindeiro domingo”, animan desde o BNG. “Non son persoas, non teñen corazón. Son meros executores que tapan con mentiras as súas verdadeiras caras. Están convertendo a sanidade pública nun negocio. Eles son os que prefiren salvar bancos a salvar persoas. Deséñano en Europa e execútano aquí, en Galiza, na Mariña, no Hospital de Burela”, asegurou Ermida.
“A dotación da segunda sala de endoscopias no Hospital da Costa con dúas torres de endoscopia dixestiva novas, unha delas con magnificación (que sería a primeira torre con este sistema de toda a EOXI); a renovación dos monitores, lavadoras, dous gastroscopios e catro colonoscopios é unha mentira. A sala, na que o único que puxeron foi un lavabo, nen sequera ten unha camilla. Polo tanto, tamén é unha mentira que se libere a torre adicada a broncoscopia para a súa utilización exclusiva en Neumoloxía.”
“O Partido Popular está enganando continuamente ás mulleres e homes desta comarca a respecto da situación da sanidade pública e do Hospital da Costa: coa ampliación do Hospital, coa posta en marcha do hospital oncolóxico de día e tamén con esta sala de endoscopias. Ademais de demostrar que non teñen vergoña, as continuas mentiras demostran que son xente sen escrúpulos. Que lles vale calquera cousa á hora de salvar a cara”, aseguran desde o BNG.
O sindicalista, Xosé Ferreiro, anunciou tamén que a CIG, a través do BNG, levará ao Parlamento galego iniciativas e preguntas sobre a queima e destrución de milleiros de placas de raios X con máis de cinco anos de antigüidade que estivo facendo unha empresa privada para baleirar espazo e sobre as cales non se sabe se hai informes feitos, tal e como esixe a lei.
“Non imos permitir nin unha soa mentira máis a respecto da nosa sanidade. Nin unha soa falta de respecto máis para as mulleres e homes desta comarca e, en especial, para as persoas enfermas e os seus familiares. Esiximos que dimitan inmediatamente as dúas persoas con máxima responsabilidade nestes enganos e nestas actuacións: a Conselleira, Rocío Mosquera e o Xerente de Lugo, Antonio García Quintáns”, conclúen desde o BNG.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
