Foz, 30 de maio de 2014. O goberno municipal de Foz critica a PSOE e Unifoz por impedir no pleno da corporación celebrado onte o pago de facturas a provedores pendentes de 2013 por valor de 160.000 euros, o que prexudica a varias empresas, moitas delas locais. O alcalde, Javier Jorge Castiñeira, considera que isto, que nunca pasara no Concello focense, ocorre agora porque o grupo socialista está manipulado por Xaime Cancio.
“Unha vez máis o venres despois dun pleno é día de decepción absoluta por parte do goberno municipal de Foz posto que os grupos da oposición, neste caso o Partido Socialista e Unifoz, encabezado por Xaime Cancio, votaron en contra do pago das facturas reparadas no recoñecemento extraxudicial. Estamos a falar de 160.000 euros para empresas, moitas delas locais, que non van poder cobrar, que van ter que acudir seguramente aos tribunais de xustiza, algo que non pasou nunca na historia deste Concello, no que os recoñecementos extraxudiciais aprobáronse sempre, tendo reparos ou non, incluso co Partido Socialista no goberno, no que estaba o señor Xaime Cancio”, explicou Javier Castiñeira.
O rexedor municipal aclara que “o propio informe de Intervención di que se esas facturas están encargadas pola administración, se corresponden a traballos realizados e se teñen un prezo lóxico e normal, o que se cumpre en todas elas, hai que pagalas, independentemente de que teñan esas deficiencias ou posibles reparos na documentación”.
Castiñeira engadiu que “é vergonzoso porque quen está exercendo de líder da oposición e do Partido Socialista e o señor Xaime Cancio. Xa se nota que estamos empezando o período preelectoral e Cancio está manexando as decisións do Partido Socialista, porque o señor Val está completamente desaparecido no PSOE local, que non sei cales son os intereses que o moven. O señor Moncho Candia e xente da executiva local do Partido Socialista están pensando en rédito electoral e parécenos verdadeiramente vergonzoso que primen os intereses do partido e dunha persoa antes que os intereses municipais, dos provedores e das empresas que van quedar sen cobrar. Tamén nos parece vergonzoso que o señor Xaime Cancio diga que grazas a el van cobrar as empresas que teñen facturas sen reparos. Era xa o que faltaba, porque grazas tamén a el as empresa que teñen algunha factura reparada non van cobrar. E algúns deses reparos son tan insignificantes como ter unha parte do expediente incompleto. Son reparos que houbo sempre neste Concello, incluso gobernando o Partido Socialista e estando o señor Cancio”.
O alcalde rematou manifestando que “entramos en época electoral e estamos vendo a un Partido Socialista desfeito totalmente e mandado xa polos intereses do señor Xaime Cancio e Unifoz non existe. O tempo daranos a razón”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
