Viveiro conta con innumerables espazos de gran valor histórico-artístico e patrimonial e en consecuencia de gran interese turístico para os visitantes da nosa cidade coma o Casco Histórico, a Igrexa de Sta. María e os seus arredores, a Porta de Carlos V e a Praza Maior ou a igrexa de San Francisco.
Pero, nos últimos tempos, as noites de fin de semana ou véspera de festivos véñense producindo o que se chama “botellón” en moitas destas zonas, polo que estes espazos públicos ofrecen á mañá seguinte “un aspecto lamentable”.
Por iso, o grupo municipal popular presenta unha moción pedindo que se tomen as medidas necesarias para asegurar que estos espacios se encuentren perfectamente limpios á mañá seguinte de producirse estos eventos.
Vestas
“O Partido Popular de Viveiro, ó igual que, supoñemos, o resto de grupos municipais, está preocupado polas consecuencias que pode acarrear para a empresa Vestas e os seus traballadores, así como para a colectividade en xeral, ó serlle outorgada unha licenza con informes técnicos e xurídicos negativos na Xunta de Goberno Local de 01-10-2009”.
“É moi probable que esta licenza sexa anulada polas autoridades xudiciais, o que acarreará tanto ó Concello coma á empresa consecuencias imprevisibles”, aseguran dende o PP, que “consciente do daño irreparable que unha actitude de pasividade pode acarrear ó municipio, realizou ante os organismos correspondentes da Xunta de Galicia unha serie de xestións en aras a dar solución legal ás naves de ampliación construídas por Vestas”.
Nese sentido, os populares propoñen ó Pleno a aprobación de instar ó goberno municipal para que realice a tramitación do Plan de Sectorización que legalice a anómala situación da licenza outorgada o 1-10-2009.
Por outra banda, o grupo municipal popular de Viveiro propón ó Pleno varias preguntas:
– Ten previsto o equipo de goberno a reparación da estrada que vai dende a Casa da Mina a Lavandeira na parroquia de Vieiro?
– Ten previsto o equipo de goberno a limpeza e recuperación do Camiño de Montillos en Area-Faro?
– Está prevista a reparación da estrada que une Aldea con Faro, na parroquia de Area?
– En caso afirmativo, para cando está prevista a realización desta actuación?
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
