Lugo, 31 de maio de 2014.- A delegada territorial da Xunta en Lugo, Raquel Arias, asistiu este sábado á celebración da feira Ecolugo, que durante toda a xornada reúne na praza de abastos de Lugo postos de producción ecolóxica procedentes de distintos puntos da comunidade galega.
Arias valorou a puxanza deste sector agrogandeiro, no que a provincia de Lugo representa “unha referencia da produción ecolóxica”. A delegada territorial referiuse a que no territorio lucense concéntrase “o 45% da superficie certificada deste tipo de producción en toda a comunidade (15.670 hectáreas), na que a facturación se acercou no pasado ano aos 26 millóns de euros”.
Neste sentido, a delegada falou “do pulo” deste sector, no que que o volume de negocio de vendas certificadas en ecolóxico medrou en máis dun 11%, ao pasar de máis de 23 millóns de euros en 2012 a 25.916.446,78 euros no 2013.
“Neste crecemento teñen un papel clave as exportacións, que supoñen a apertura de novas oportunidades de negocio, xa que os produtos ecolóxicos de Galicia teñen cada vez máis aceptación nos mercados estranxeiros”, asegurou Arias.
Profesionalización e incorporación de xente nova
A representante do Executivo galego aludiu ao “incremento da profesionalización desta actividade”, a través do ascenso da cifra de operadores e da superficie rexistrada. Este panorama, indicou, demostra que é un sector potencial e de futuro para a incorporación de xente nova. Ademais lembrou que a Unión Europea aposta claramente por esta vía, o que se pon de manifesto en toda a normativa que a regula.
Así, segundo expresou a delegada, tamén se pode entender que o Craega, organismo encargado de controlar este sistema de produción de alimentos agrícolas baseado no respecto ao medio ambiente, no benestar animal e no mantemento e mellora da fertilidade do solo, aumentase a cifra de operadores, que pasou de 607 a 656 no último ano, o que se traduce nun incremento do 8%.
Ecolugo, que cumple este ano a súa cuarta edición, congrega a 16 postos de produción ecolóxica que van dende os xeados e as verduras ata as conservas e derivados cárnicos. Arias, acompañada polo presidente de Craega, José Antonio Fernández; a vicepresidenta, Rocío Freire, e polo secretario do mesmo organismo, Javier Fernández Lozano, visitou a feira e puido constatar a calidade dos produtos. Os produtores participantes na feira son: Biofactory, Caurelor, Terra de Baroncelli, Pecado de outono, Semilleiros Penateixa, Celtaverde, Pan do mar, Milhulloa, Herbas de Caaveiro, Casa grande de Xanceda, Arqueixal, Panadería O Agro, Galletas Mariñeiras, Ganadería Casa Ánxel, Ecofunghi e Teixeiro Lemos.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
