Ribadeo, 3 de xuño de 2014. O Concello borrará ou cubrirá as pintadas que estes días apareceron nas fachadas dalgúns inmobles no casco vello da vila. O alcalde, Fernando Suárez, indica que a restauración final correspóndelles aos propietarios deses edificios.
O rexedor aludía esta mañá “a estas pintadas que dun tempo a esta parte se están a producir en inmobles públicos ou privados da nosa vila, sobre todo no casco vello. Dicir en primeiro lugar que o Concello non é o responsable das pintadas, senón os vándalos e os bárbaros que as provocan, nin é tampouco o responsable de eliminalas, porque nós non podemos asumir unha responsabilidade que en ningún caso temos”.
Suárez Barcia dixo que “como algunhas delas poden facer alusións despectivas ou palabras malsoantes ou circunstancias que non son agradables para vivir nunha vila desde o Concello demos instrución á brigada de Medio Ambiente municipal para que ben a través dun líquido anti pintadas, se poidan ir borrando na medidas das súas posibilidades, ou ben cunha pintura neutra se poida tapar estritamente o contido da pintada. Correspóndelles aos propietarios das fachadas, dos muros ou das vivendas a reparación de acordo coa pintura que eses inmobles tiveran”. O alcalde ribadense engadiu que “o Concello non pode pintar unha fachada dun color concreto con cargo ao Concello, por moito que aí houbese unha pintada agresiva contra algo ou contra alguén. Poderá tentar borrala con este líquido que temos ou poderá tentar cubrila cunha pintura neutra, branca neste caso, pero a restauración final corresponderalle ao propietario dese inmoble”.
Fernando Suárez fai un chamamento “para que si alguén ve algún bárbaro ou vándalo facendo estas cousas o comunique á Garda Civil ou á Policía Local porque a todos gústanos vivir nunha vila, nun concello, sen ter que soportar pintadas dun ou doutro sentido, cunha determinada intención ou non. Eu penso que hai outros lugares en democracia onde se poden facer os testemuños das posicións ideolóxicas ou políticas sen ter para iso que facelo nas fachadas de edificios públicos ou privados”.
Autodidacta e antiga ilustradora científica, destaca pola cor e pola representación da figura feminina, que lle valeu o nome de “a pintora das mulleres”. A crítica salienta o seu estilo entre o cómic e o surrealismo e a forza expresiva das súas figuras. Conta con máis de 40 exposicións individuais, numerosas colectivas e unha traxectoria internacional recoñecida. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
