Trasbar, 3 de xuño de 2014.- A Asociación de veciños do Burgo de Trasbar presenta as actividades que ten organizadas para este mes. Todos os socios son avisados por carta de cada iniciativa que poñemos en marcha.
Camiño a San Antonio
Con motivo da celebración do San Antonio, comunicámoslle aos veciños que imos ir en peregrinación desde Trasbar ata A Rigueira, no concello veciño de Xove. Os integrantes do grupo contarán cunha tarxeta de identificación para selar no camiño e poder recibir así o lirio branco e o certificado da romaría.
A saída está prevista para as 10.00 h e despois da sesión vermú, xantaremos todos xuntos. Para iso, poñemos un prezo de inscrición de 5 € para os socios e 8 € para os non socios.
O prazo límite para apuntarse é o vindeiro día 8 de xuño, no horario de apertura do Local social.
San Xoán
Este ano será a cuarta edición do San Xoán. A partir das 19.30 h, contamos cunha obra de teatro do grupo “Érase unha vez…” de Mondoñedo, coa obra “Mercados revoltos”, dentro do programa Buxiganga da Deputación provincial de Lugo.
Deseguido, haberá unha pancetada/chourizada a partir das 20.30 h. Os prezos para socios son panceta 2€ e chourizo 1,50 €. Os non socios terán que aboar 3 € polo bocadillo de panceta e 2,50 € polo de chourizo.
Remataremos a actividade con unha fogueira, que se prenderá para que todos os presentes “saltemos o lumiño de San Xoán” e purificarémonos con queimada.
Pago cotas
Cabe recordar que está aberto o prazo para a renovación da condición de socio/a da Asociación de veciños do burgo de Trasbar. O último día do pagamento será o 15 de xuño. A cota é individual e as tarifas estipuladas son 15 € para adultos, 10 € socio xuvenil (15 a 18 anos) e 5 € para os socios infantís (2 a 14 anos).
As persoas que cumpran os requisitos e queiran darse de alta, poden aproveitar o prazo de renovación ou solicitalo en calquera momento do ano.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
