Delegados e delegadas das organizacións sindicais da sanidade pública concentráronse este martes diante do edificio do Sergas coincindo coa celebración da Mesa Sectorial contra o peche de camas, en demanda da supresión da taxa de reposición do 10% para que non se sigan amortizando prazas e para exixir da conselleira de Sanidade unha rectificación pública por ter afirmado, un deputado do PP en sede parlamentaria, que o peche de camas foi acordado cos sindicatos para o persoal poder ter vacacións.
A secretaria nacional de CIG-Saúde, María Xosé Abuín explicou que na mesa sectorial a Directora de Recursos Humanos recoñeceu que non existía pacto sindical algún coas organizacións sindicais respecto do peche de camas. Pola súa banda, o Director de Asistencia Sanitaria confirmou que esa era unha decisión da administración porque a súa obriga é xestionar a sanidade pública e porque entenden que a asistencia sanitaria queda garantida no verán malia estes peches.
Sobre o peche de camas en concreto, a única información que ofreceron foi a que xa está publicada na páxina web do Sergas e as xustificacións esgrimidas para explicar os peches, as mesmas que se veñen publicando nos medios de comuniacción.
Fronte a isto, as organizacións sindicais reclamaron que non se peche cama algunha e que o 100% do persoal sexa substituído para garantir durante o verán os mesmos servizos e atención que durante o resto do ano.
Na Mesa Sectorial o Sergas presentou ademais as prazas do concurso de traslados de persoal non sanitario. “O seu criterio é garantir só as prazas ocupadas. Presentaron o número total do concurso, pero non as vacantes que hai así que non sabemos cantas prazas foron en total amortizadas”, denuncia Abuín.
A este respecto, a secretaria nacional de CIG-Saúde lembra que levan anos demandando que se elabore un código numérico que identifique as prazas para saber exactamente cantas hai e para ter un sistema transparente de cadros de persoal. “Tampouco desta volta aceptaron. Dixeron que non era o momento”.
O que si recoñeceron os representantes do Sergas na Mesa Sectorial é que non se cubrirán o 100% e que non se van convocar prazas de persoal de mantemento para o Hospital de Ourense, porque está xa non plan de privatización.
O mesmo ocorrerá en Vigo cando entre en funcionamento o novo hospital, porque será a empresa que financia a súa construción que xestionará os servizos non sanitarios. Por iso escolleron Vigo para convocar a manifestación do vindeiro día 21 de xuño, para denunciar non só os peches de camas, senón tamén as políticas privatizadoras do PP e denunciar o desmantelamento da sanidade pública e o deterioro da calidade asistencial.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
