A Deputación de Lugo vén de solicitar, o pasado día 2 de xuño, o .gal para o seu dominio de Internet, o que a convertirá en pioneira entre as administracións galegas en ser titular dun dominio de primeiro nivel. Unha vez dita solicitude sexa admitida e aprobada pola Asociación Puntogal, encargada de avaliar as candidaturas presentadas, a presenza da institución luguesa na rede pasará do www.deputacionlugo.org ó www.deputacionlugo.gal.
A Deputación formalizou a súa petición o primeiro día do prazo dispoñible dentro da fase inicial, chamada Programa Pioneiros. Esta fase, que se desenvolverá ata o vindeiro 25 de xullo, culminará coa posta en marcha de 90 sitios de administracións públicas, empresas e entidades sen ánimo de lucro. Entre estes pioneiros estará, con toda seguridade, a institución provincial, xa que cumpre con todos os requisitos esixidos, entre os que destacan os de empregar a lingua galega nas súas comunicacións en liña; promover os diferentes aspectos da cultura galega na rede e dirixir especificamente á comunidade galega as súas comunicacións e servizos.
Entre as múltiples vantaxes que, segundo os expertos, ofrecerá o uso deste dominio hai que destacar a do retorno económico directo que suporá, xa que dende o punto de vista empresarial os produtores ou comercializadores de produtos galegos contarán cun plus de calidade e posicionamento de mercado. Outras vantaxes que traerá consigo este dominio serán as de tipo simbólico, xa que será un factor de cohesión que incrementa o sentimento de pertenza a unha comunidade; as relativas á normalización lingüística, ó ofrecer máis visibilidade na rede á lingua galega; as que mellorarán o desenvolvemento da Internet galega, facilitando o labor dos buscadores para as consultas que se realicen en galego ou sobre Galicia.
Entre os 90 pioneiros do .gal
A iniciativa posta en marcha para acadar unha marca galega na rede naceu oficialmente o 10 de xuño de 2006 coa posta en marcha da Asociación Puntogal que contou, tal e como destacan os responsables de dita Asociación, co apoio decidido do Goberno autonómico presidido por Pérez Touriño. Logo dunha primeira etapa de traballos previos, o 29 de maio presentouse de xeito oficial a candidatura para contar con este dominio de primeiro nivel, proceso superado o 15 de xuño de 2013. Para acadar este resultado positivo foi preciso contar co apoio de administracións, empresas, entidades culturais e da cidadanía en xeral, que deixou claro que esta era unha reivindicación que contaba co seu apoio popular ó acadar 13.000 sinaturas e o aval de centos de entidades.
O proceso posto en marcha para estender o uso do primeiro dominio galego, consta de tres fases. A primeira delas, a citada Pioneiros, rematará o vindeiro 25 de xullo, e estará seguida pola fase Abrente. A esta fase, enfocada á protección de dominios de interese público de entidades tanto públicas como privadas, seguiralle a chamada Carreira, na que se poderá acceder, mediante a poxa por direccións especialmente atractivas, a enderezos que non teñan dereitos preferentes. Finalmente, en decembro deste ano chegará o momento da fase aberta, na que o público en xeral poderá acceder ó seu propio dominio .gal.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
