Burela, 5 de xuño de 2014. O alcalde, José Mª González Barcia, valora de forma positiva a visita cursada onte a Burela polo presidente de Portos de Galicia, e na que anunciaba que neste 2014 comezarán as obras de mellora do abrigo do porto burelés. Para o rexedor unha vez máis queda de manifesto o apoio da Xunta a Burela e ás súas infraestruturas.
O rexedor dixo que “o anuncio feito onte polo presidente de Portos de Galicia, José Juan Durán, relativo á prolongación en 20 metros do martelo que separa a zona comercial da pesqueira do porto de Burela, cun investimento próximo ao medio millón de euros, vai repercutir de forma importante na seguridade da dársena interior do peirao”. González Barcia lembrou que “como se sabe se tiveron feito distintos estudios para ver o impacto da ondada dentro da dársena, e esta é a primeira parte, das dúas que terá a obra. A prolongación do dique de atraque comezará probablemente a finais do verán e a segunda parte da actuación será a construción dun dique que sairá desde a zona de Absa, en diagonal cun ángulo de 30 graos e unha lonxitude de 50 metros. Sobre esta actuación xa hai traballo feito, falta por facer o proxecto e é unha actuación que agardamos e confiamos que se concrete de cara a finais do presente ano”.
O alcalde de Burela sinalou que “esta obra é froito do traballo e das xestións que se fixeron conxuntamente entre o sector pesqueiro e o Concello de Burela. Foron varias as reunións que houbo en Santiago e en Burela a tal efecto. Vese que traballando de forma conxunta as cousas se van conseguindo. Sen dúbida ningunha a actuación prevista por Portos de Galicia no porto de Burela ten, aparte da importancia en canto á mellora da seguridade na dársena interior, outra relevancia e é que demostra o interese que ten a Xunta de Galicia que preside Alberto Núñez Feijoo en Burela. E tamén unha atención especial ao noso peirao. De todos é sabido que o porto de Burela é un dos principais portos pesqueiros dentro das competencias de Portos de Galicia”. E engadiu “para nós, como equipo de goberno, e para min como alcalde é unha satisfacción saber que aquilo polo que traballamos durante os dous últimos anos se vai facer realidade pronto. Estamos diante dunha boa noticia, que tamén demostra que desde o equipo de goberno non nos quedamos sentados, senón que somos capaces de facer xestión, e neste caso indo da man do sector pesqueiro, que como se sabe é un sector fundamental para a economía local”.
Vixilancia das obras do porto
Nas últimas horas a Xunta procedeu a licitar a vixilancia das obras de acceso ao porto de Burela. O rexedor indicou que “é un paso máis cara a construción das obras de acceso ao porto de Burela. Si alguén tiña dúbidas sobre se isto se ía realizar ou non, pois xa ven que a Xunta xa licita a vixilancia das obras. E por outra banda dentro de aproximadamente un mes acaba o prazo para a presentación de ofertas por parte das empresas interesadas en realizar a obra do acceso ao porto de Burela, que como se sabe se licitou o pasado mes de maio”.
Bandeiras azuis
O alcalde de Burela, José Mª González Barcia, viaxará mañá a Vigo para recoller as bandeiras azuis que recibiron as praias de A Marosa, O Portelo e Ril, o barco museo Reina del Carmen e a aula de educación medio ambiental Gaia e tamén o sendeiro azul que reciben os paseos marítimos de Burela. O acto desenvolverase a partires das 12 do mediodía no Museo do Mar de Vigo.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
