O Club Deportivo Burela Fútbol Sala Pescados Rubén abre o prazo de captación para todas aquelas xogadoras que desexen formar parte das súas categorías de base de cara á tempada 2014-2015. Ata o luns 16 de xuño, todas aquelas interesadas poden poñerse en contacto co club para inscribirse e formar parte da súa estrutura de base feminina. A idea do club é crear un equipo filial e cadete con xogadoras con idades comprendidas entre os 12 e 18 anos (ambos inclusive). As sesións consistirán en integrar ás xogadoras nos adestramentos coa participación de xogadoras do equipo senior de Primeira División Feminina para coñecer o funcionamento das sesións e a metodoloxía de traballo do club. Así, todas aquelas xogadoras nadas entre os anos 2001 e 1996 poderán probar co CD Burela Pescados Rubén durante as tres próximas semanas.
NOTAS IMPORTANTES
– O periodo de probas para as xogadoras inscritas comezará a seguinte semana de realizar a súa inscripción, para unha mellor planificación.
-En caso de superar as seis xogadoras en probas por ano de nacemento, crearase unha sesión específica con todas elas.
– As xogadoras que faigan as probas, realizarán un máximo de 2 adestramentos por semana.
– As horas dos adestramentos serán fixadas unha vez se peche o prazo de inscrición.
– As interesadas en realizar as probas, poden tramitar a súa incripción en:
– Teléfono: 982 58 18 15
– Enviando un e-mail a burelafs@burelafs.org, onde deberán especificar os datos persoais da xogadora (nome, apelidos, data de nacemento, dirección e teléfono de contacto)
– Oficina do Club situada na Avenida Arcadio Pardiñas, 91, Baixo.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
