Otero Regal e Lucas Requeijo participan en Lalín no ‘Realiméntate 2014’

Dous vivairenses participan nesta ocasión en Realimentate 2014, Otero Regal e Lucas Requejo. No caso de Otero Regal explicaralles as normas de elaboración da cerámica para uso alimentario, así coma o ISO sanitario para continentes alimentarios, as novas porcentaxes de contido en plomo e cadmio e outros materiais pesados.

A segunda edición de “Realiméntate” terá lugar do do 6 ao 8 de xuño no restaurante lalinense A Molinera, nun proxecto conxunto con Prato_do, coa idea de promover a sostibilidade nos fogóns e a relación cos productores locais. O programa péchase cun menú a seis mans asinado por Diego López ‘Moli’, Pepe Solla e Javier Olleros.

Naceu en 2013 como un proxecto conxunto entre A Molinera, restaurante coñecido por compatibilizar a tradición (cun dos mellores cocidos de Lalín) coa cociña contemporánea, e a iniciativa Prato_do. “Realiméntate” suma unhas xornadas e varias sesións de cociña a “varias mans”, ideadas para actuar como un “foro conxunto para reflexionar sobre o vínculo entre a alimentación e a gastronomía, baixo unha óptica en torno á volta ás orixes. E, ademais, cunha idea: promover a sostibilidade nos fogóns e a relación cos productores locais baixo pautas sostibles”.

Na súa segunda edición, “Realiméntate” celébrase do 6 ao 8 de xuño e suma un programa de debates, presentacións, relatorios e unha proposta de menús e tapas asinadas polos chefs Diego López ‘Moli’, da Molinera (Lalín); Pepe Solla, de Solla (Poio, Pontevedra); e Javier Olleros, de Culler de Pau (O Grove, Pontevedra).

A iniciativa arranca o venres 6 de xuño, como “O momento da reflexión”, con proxección de curtametraxes, a presentación do libro “Guía para o descenso enerxético” (de Asociación Véspera dá Nada), e un “Menú Sustentable”, elaborado por Diego López baixo unha aposta pola sostibilidade desde a súa cociña.

O sábado 7 de xuño, co “O local local como global” como eixe central, coa presentación de Ultra_Alimento, un ultramarinos da Praza de Abastos de Lalín que defende “o poder dos alimentos”; e un debate en torno ó “novo deseño de futuro para Galicia”, coa participación de varios expertos. Esa noite, poderase probar o “Menú Local”, desenvolvido por Conchi Peiteado, Manuel Garea e, como anfitrión, Diego López.

A edición 2014 de “Realiméntate” finaliza o domingo 8 de xuño, coa idea de “Unha orixe como inspiración” e un programa que suma unha cata de augas das fontes de Lalín; unha charla sobre “Viño e tradición”, de José Luís Mateos; a presentación da liña gourmet experimental de Regal Cerámica; e unha cea co “Menú Sensacións”, seis mans, por Pepe Solla, Javier Olleros e o anfitrión, Diego López ‘Moli’. Entre outros, utilizarán produtos da horta de Adelina, provedora clave de Olleros en O Grove.

De venres a domingo, cada menú ten un prezo de 40 euros (con viños e IVE). Por outra banda, A Molinera ofrecerá unha carta de tapas deseñada para o proxecto “Realiméntate”, que funcionará o venres pola noite e o sábado e domingo mediodía e noite, con prezos de 2 a 8 euros por tapa.