Lugo, 10 de xuño de 2014. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga, participou, este martes, na entrega de premios ao baloncesto de base, que se celebrou no salón de actos do Pazo de San Marcos.
Durante a súa intervención Antonio Veiga parabenizou a todos os premiados e animounos “a seguir practicando un deporte con tanta historia e tantos siareiros na provincia de Lugo, e sobre todo a seguir disfrutando da súa práctica, ao marxe dos resultados deportivos”. Así mesmo o vicepresidente da Deputación destacou “o traballo que realiza a área de Deporte da institución provincial para facer chegar deportes coma o baloncesto ás categorías inferiores dos equipos de todas as comarcas de Lugo”.
Nesta ocasión, o campión provincial de preminibasket foi o Cidade de Lugo; o campión provincial de minibasket masculino foi o Estudiantes Leyma Natura, mentres o campión provincial de minibaslet feminino foi o Divina Pastora.
Na categoría infantil feminina provincial resultou gañador o M2R Sarria. Nesta categoría o quinteto inicial ideal de tempada está formado pola base María Corredoira, do Estudiantes-Marismas, que tamén foi a mellor xogadora da categoría; a escolta Uxía, do Ría de Ribadeo; o alero Clara, do M2R Sarria, a ala Silvia, do Cidade de Lugo; e a pivot Marta, do Carferlo Viveiro.
O Ría de Ribadeo converteuse en campión na categoría infantil masculina provincial. Neste caso, o quinteto inicial ideal de tempada está formado polo base Anxo, do Ría de Ribadeo; polo escolta Alejandro “Garabito”, do Leyma Natura Estudiantes; polo alero Alejandro, do Cidade de Lugo; polo ala Marco, do Pescados Rubén Burela; e polo pivot Diego, do Ría de Ribadeo, mellor xogador da categoría.
No caso da categoría infantil feminina autonómica, o quinteto inicial ideal de tempada está formado por xogadores do Ensino e do Estudiantes, os dous representantes lucenses na máxima categoría infantil. O quinteto ideal está formado pola base Sara, do Estudiantes; a escolta Adriana, do Ensino; o alero Marta, do Estudiantes; a ala María Rural, do Ensino, e o pivot Esther, do Estudiantes, que se converteu na mellor xogadora da tempada.
Así mesmo, o Estudiantes Leyma Natura recibiu o recoñecemento como equipo infantil autonómico masculino, sendo Álvaro Abuín o mellor adestrador, e Andrés Ónega, o mellor xogador da tempada.
Na categoría cadete feminina provincial, o recoñecemento ao mellor adestrador recaeu en Adrián Suárez, do Celtas de Foz; mentres que o quinteto inicial de tempada está formado pola base Carla Gallo, do Mondoñedo Lourenzá, tamén recoñecida como mellor xogadora da tempada; a escolta Rosalía, do Celtas de Foz; a alero Fátima, do Carferlo Viveiro; a ala Gema do Mondoñedo Lourenzá; e a pivot Sinda, do Ensino.
En cadete masculino provincial, o mellor adestrador foi Rubén Engroba, do Hierros Ferreiro, campión de Liga e ascenso a Liga Galega Cadete; mentres o quinteto ideal está formado polo base Dani, do Hieros Ferreiro, melllor xogador da tempada; o escolta Diego, do Cidade de Lugo; o alero Iago Alonso, do Cidade de Lugo; o ala Dani, do Celtas de Foz; e o pivot Donar, de Galén.
Na categoría cadete feminina autonómica o quinteto ideal está formado por xogadoras do ensino e o estudiantes, os dous representantes lucenses na liga galega cadete feminina, coa base Judith, do Ensino; coa escolta Xiana, do Ensino, tamén mellor xogadora da categoría; co alero Ángela, do Estudiantes; coa ala Lara, do Estudiantes; e co pivot Elena, do Ensino.
Na júnior feminina provincial a mellor adestradora foi Cristina Vázquez, do Ensino, e o quinteto ideal está formado pola base Adela Cerrato, do Carferlo Viveiro, mellor xogadora da tempada; a escolta Tatiana, do Carferlo Viveiro; o alero Celia, do Carferlo Viveiro; a ala Ainoa, do Celtas de Foz; e o pivot Mar Centelles do Ensino.
En júnior masculino provincial, o mellor adestrador foi Gustavo Mota, do Estudiantes; mentres que o quinteto ideal está formado polo base Marcos, do Tigros; o escolta Cristian, do Pescados Rubén; o alero Gonzalo, do Sagrado Corazón; o ala Richi, do Estudiantes, mellor xogador da tempada; e o pivot Javi Piedracoba, do Estudiantes.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
