A aposta músico-estética que o Conxunto Os Folkgazais realiza está inspirada nas primeiras agrupacións (orquestras, conxuntos, etc) que desde principios dos anos 40 empezan a aflorar tamén no occidente asturiano e a Mariña de Lugo. Estas novas formacións (coñecidas popularmente como “orquestinas”) a modo das orquestras de jazz americanas, incorporaban a batería como base da percusión, e posteriormente o contrabaixo ou o baixo eléctrico como soporte rítmico-harmónico. A estas novidades habería que sumar ademais a chegada de novos ritmos americanos com as habaneras, boleros, swing, samba, mambo, etc. O conxunto os Folkgazais gravou e autoeditou xa dous discos “Cama de Folkga” e “Haiga” e este 2014 grava un novo traballo en forma de EP que levará por título “Alorias” (Mentiras ou cousas inventadas no galego do Eonavia) . Conta coa colaboración entre outros de Ugia Pedreira (Marful), Michael Lee Wolfe (Asturiana Mining Company), Gustavo Pérez (Blues and Decker), Laurie Leon (Suadel) e Aitor Herrero (Alexandra in Grey). Domingo 15 de xuño ás 19.00 horas no Teatro de Ribadeo. Prezo da entrada: 3 euros.
Os Folkgazais presentan “Alorias”
Relacionado
-
O luns comezan as visitas guiadas polo casco histórico de Viveiro
-
Tapia de Casariego presentou o 34º Memorial de surf Peter Gulley – Goanna Pro, unha das citas destacadas da Semana Santa
-
O delegado territorial da Xunta, Javier Arias, reuniuse coa asociación xuvenil A Rumboia para explorar colaboracións na cuarta edición do festival Rumboia Viva, que se celebrará o 27 de xuño en Abadín
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
