Foz, 23 de xuño de 2014.- Foz acolleu este luns a entrega dos diplomas aos participantes no obradoiro Pico do Castro, que habilitou os 7 novos locais para asociacións que foron postos a disposición dos colectivos correspondentes. O acto estivo presidido pola conselleira de Traballo e Benestar, Beatriz Mato, quen anunciou a concesión doutro obradoiro de emprego e tamén a adxudicación definitiva da construción do xeriátrico focense.
O alcalde de Foz, Javier Jorge Castiñeira, explicou: “hoxe entregáronse os diplomas aos alumnos do obradoiro de emprego Pico do Castro, que tivemos durante seis meses no noso concello elaborando diferentes proxectos. Nesa entrega estivo a conselleira de Traballo, Beatriz Mato, a quen lle queremos agradecer a súa presenza, ao igual que á delegada territorial, Raquel Arias, e ao xefe territorial de Traballo e Benestar”.
O rexedor municipal destacou que “é un día importante porque, aparte desa entrega dos diplomas aos participantes no obradoiro de emprego, tamén se entregaron os locais para diferentes asociacións que fixo o obradoiro de emprego. Con elo acadase un obxectivo importante, como era trasladar á escola de música e a todas as organizacións vinculadas á música para a Casa do Mar e todas aquelas as asociacións que estaban neste edificio pasarán a estes novos locais na Praza de Trégastel. É importante porque se consegue que a escola de música teña uns locais moito máis preparados para a súa actividade docente, centralízanse tamén todas as asociacións vinculadas á música e ao baile na Casa do Mar e dótanse novas instalacións con 7 locais para albergar a diferentes asociacións que hai no concello. A todas elas hai que agradecerlles que durante estes seis meses tivesen a deferencia de compartir locais moitas veces ou trasladarse ata que non se entregaron os novos”.
Javier Castiñeira engadiu que “ademais a propia conselleira anunciou que Foz, xunto con Alfoz, O Valadouro e Mondoñedo, vamos ter en breve un novo obradoiro de emprego, que leva o nome de Pardo de Cela. Polo tanto estamos de noraboa. E deuse a coñecer tamén que o pasado venres se publicou a adxudicación definitiva da construción do xeriátrico de Foz, co cal o proceso xa está na última parte, na de contratación e achega de documentación por parte da empresa. Esperamos que no transcurso de 15 ou 20 días xa poidan estar traballando nesa obra, que xa ten licenza municipal. Polo tanto estamos moi contentos porque o día de hoxe foi moi frutífero e produtivo, froito do traballo de moito tempo, da moi boa relación que existe con esta Consellería e do gran labor que está facendo esta conselleira nun departamento complexo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
