Lugo, 24 de xuño de 2014.- A Xunta colaborará na loita contra os incendios forestais cos concellos da comarca da Mariña, para o que aprobou o financiamento de 12 brigadas municipais. A Consellería do Medio Rural e do Mar inviste 335.123 euros euros nesta acción, que beneficia aos 12 concellos da zona que o solicitaron e suporá a contratación nos vindeiros días de 62 traballadores e traballadoras.
Así o expuxo este martes a delegada territorial de Lugo, Raquel Arias, que subliñou a aposta da Xunta pola colaboración cos concellos “para conseguir unha maior eficacia na loita contra o lume a través da optimización no uso dos recursos”. No caso da Mariña, disporán de brigada propia os municipios de Alfoz, Barreiros, Burela, Cervo, Foz, Lourenzá, Mondoñedo, O Vicedo, Ourol, Trabada, Viveiro e Xove.
Arias, acompañada polo xefe territorial de Medio Rural e do Mar, Ramón Losada, explicou que o persoal destas brigadas ven a completar o operativo despregado con persoal propio pola Xunta en toda a provincia, co que “o dispositivo de loita contra incendios deste ano será similar en liñas xerais ao do pasado exercicio en canto a número de efectivos”.
Tamén en relación con este asunto, Arias sinalou que “a colaboración cos municipios enmárcase no ámbito da coordinación e apoio entre administracións” e introduce claras vantaxes, “xa que garante a optimización dos recursos dispoñibles, faise fincapé nas tarefas de prevención, gáñase operatividade porque os gobernos locais coñecen mellor as necesidades de actuación no seu termo municipal, e increméntase a eficacia porque todo o operativo está coordinado por un único mando do Servizo de Defensa contra Incendios da Xunta de Galicia”.
As brigadas constan de entre 4 e 6 membros e, entre as súas obrigas, terán que acreditar traballos de limpeza nun mínimo de 5 hectáreas do municipio, realizando tarefas de roza, rareo e eliminación de restos en terreos municipais ou de dono descoñecido ou ben vías nas que é impracticable a limpeza mecanizada, con tractor, e debe facerse a man. Atendendo a circunstancias especiais de situación xeográfica, masa forestal ou risco de incendios, hai concellos que constituirán dúas brigadas.
A delegada indicou que este modelo de colaboración cos concellos na prevención dos lumes, posto en marcha o ano pasado, “está a mudar tamén un pouco a imaxe da ordenación do noso territorio, xa que se actúa para que todas as franxas que bordean os núcleos rurais e os núcleos urbanos se manteñan limpas”.
Arias considerou que a maioría dos concellos “están coa mesma sensibilidade que a Xunta” para facer fronte a esta lacra e existe unha “excelente coordinación” entre administracións. De feito, subscribíronse tamén convenios para sufragar o funcionamento dos vehículos motobombas e para a aplicación de tratamentos preventivos de limpeza en camiños, pistas e outros espazos vexetais coa intención de minimizar o risco e os efectos dos lumes.
Neste sentido, valorou tamén que esa coordinación xa se veu acreditando coa formación dos grupos de Emerxencia por toda Galicia “e agora tamén coas brigadas que van facer prevención e defensa contra os incendios”, concluíu Arias.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
