A Deputación de Lugo acollerá este venres, a partir das dez da mañá, no Salón de Actos, unha xornada formativa dirixida ós Concellos sobre a xestión de fondos europeos para a etapa 2014-2020. Baixo o título Preparación das entidades locais ante os novos programas de financiamento comunitario durante o período 2014-2020, o encontro dará coñecer as novidades do novo marco financeiro europeo e as posibilidades que este ofrece ás corporación municipais que xestionen fondos ou programas europeos, ou que teñan unha idea de proxecto.
Esta convocatoria gratuíta aborda as pautas e recomendacións para conseguir que Galicia acade os obxectivos da Estratexia Europa 2020, que finca os seus piares básicos nun crecemento sostible e integrador de todos os países da Unión Europea. Este ciclo non está formulado como unha lección maxistral, senón que serán mesas redondas participativas, nas que os asistentes poderán realizar consultas directas con destacados expertos na materia, que realizarán recomendacións para por en marcha iniciativas que atendan ós principios estratéxicos de crecemento comunitario de cara aos vindeiros 6 anos.
Xornada curta, pero intensa
Esta xornada, organizada pola institución luguesa, en colaboración coa Fundación Galicia Europa, a Federación Galega de Municipios e Provincias (FEGAMP) e a Consellería de Presidencia, contará coa presenza de profesionais como Mayte Carracedo e Graciela Garrido, directora xeral e directora da Zona Norte da consultaría Econet S.L., respectivamente, que amosarán algunhas fontes alternativas de financiamento para incentivar o crecemento económico.
As charlas comezarán as 10:00 horas da man de Mayte Carracedo, versando a súa ponencia sobre as novidades do marco financeiro plurianual 2014-2020 e nos programas de xestión indirecta, dando a coñecer as principais prioridades dese marco e as áreas de financiamento. A continuación, a directora xeral de Econet S.L. fará unha breve introdución á Política Rexional para continuar coa explicación do procedemento de programación. Os diferentes Fondos Estruturais (Fondo Europeo de Desenvolvemento Rexional –FEDER-, Fondo Social Europeo –FSE- e Fondo de Cohesión) e a Cooperación Territorial Europea serán outros dos temas que se porán encima da mesa.
Tras esta conferencia, ás 11:45 horas, Graciela Garrido plantexará os aspectos clave e as características comúns da xestión directa dos fondos europeos. Os principais programas para as entidades locais (Europa Creativa, Cidadáns con Europa, Erasmus + e Life) xunto coas convocatorias abertas e ferramentas existentes para facilitar a participación neste novo financiamento serán explicados minuciosamente pola directora da Zona Norte de Econet S.L. En torno ás 13.00 horas celebrarase unha serie de reunións individuais, coas entidades que así o solicitaran, para a análise de posibilidades de financiamento para os seus proxectos.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
