A tasca do restaurante San Miguel, de Ribadeo, ofrece para as noites de martes a venres durante este mes de xullo degustaciones dunha gran variedade de tapas cunha botella de viño Ribeiro ou Rioja por 19 euros. A tasca do San Miguel, que está na planta baixa do restaurante e ten terraza con vistas ao mar, ofrece cociña tradicional mariñeira con peixes e mariscos do Cantábrico en racións e tapas. As súas especialidades son arroces caldosos, polbo, sardiñas asadas, bonito de Burela, así coma carnes selectas de porco ibérico, tenreira galega, vaca, pato e leitón castelán. Ademais destacan as súas sobremesas caseiras e a súa gran selección de viños. A cociña da tasca do San Miguel está dirixida polo prestixioso chef asturiano Carlos Martínez Abascal, que conta cunha ampla traxectoria profesional en restaurantes de Asturias e Madrid. E na planta alta do restaurante San Miguel está o comedor principal, onde seguen ofrecendo cociña de mercado e mariñeira elaborada polo cociñeiro e copropietario do establecemento, José Ramón Rodríguez.
Tapas na tasca do San Miguel de Ribadeo
Relacionado
-
O grupo de danza da Escola Municipal de Música e Danza de Ribadeo participará no Encontro de Centros de Danza, tras ser convidado polo Conservatorio Profesional de Danza de Lugo
-
Falece un home tras sufrir un accidente cunha vaca en Muras
-
O Concello de Cervo celebra o Día do Libro, unha data dedicada á maxia das historias, da imaxinación e das palabras que nos permiten viaxar sen movernos do sitio
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
