A Xunta de Goberno da Deputación de Lugo aprobou este venres obras e servizos por valor de 23 millóns de euros que beneficiarán ós veciños dos 67 Concellos da provincia, o que converte a sesión de hoxe na que recolle máis investimentos da última década, tal e como destacou á saída da mesma o Presidente, José Ramón Gómez Besteiro. “Avanzamos que esta sería unha Xunta de Goberno moi potente, moi inversora, e así foi, o que demostra o compromiso da Deputación cos veciños e concellos de toda a provincia, e que seguimos traballando intensamente a pesar de entrar nun época na que polo xeral baixa a actividade, como é o verán”, subliñou Gómez Besteiro.
Os investimentos aprobados na Xunta de Goberno de hoxe foron os seguintes:
– Plan de Conservación de Estradas: 18,2 millóns de euros. Como avanzou onte o Presidente, a Xunta de Goberno deu luz verde ós pregos de contratación dun novo Plan de Conservación para os 4.200 quilómetros de estradas da provincia, o máis ambicioso dos que impulsou nunca a Deputación, pois conta cun orzamento récord de 18,2 millóns de euros -a executar entre este ano e o 2018- e inclúe, por primeira vez, cláusulas sociais en defensa dos traballadores. A vicevoceira socialista do Goberno provincial, Pilar García Porto, lembrou que, coas cláusulas sociais, “blindamos os dereitos de 80 traballadores, os que, como mínimo, prestarán servizo á Deputación a través das empresas adxudicatarias deste Plan de Conservación”.
– Recuperación da colección de Álvaro Gil: 2,9 millóns de euros. A Xunta de Goberno aprobou o procedemento de contratación e do prego de cláusulas administrativas que rexerán o contrato de compra venda que a Deputación asinará cos herdeiros de Álvaro Gil para recuperar as 40 pezas da súa colección de ourivería como patrimonio de todos os lucenses.
– Convenio Deputación-Xunta para rehabilitar as pallozas do Piornedo: 260.000 euros. Tamén recibiu o visto bo na sesión de hoxe o convenio de colaboración da Deputación coa Xunta de Galicia por valor de 260.000 euros para rehabilitar as pallozas do Piornedo e dotar de servizos de saneamento e alumeado público ós veciños desta localidade.
A Deputación achega o 65,5% do investimento, e a Xunta o 34,5% restante para acometer as actuacións recollidas neste convenio, que ten a súa orixe nun acordo adoptado no Pleno provincial do pasado 1 de abril, coa abstención do Partido Popular, “no que pedíamos a colaboración urxente da Xunta e do Concello para acadar unha solución de alcance que resolverse o problema do mantemento das pallozas, así como a dotación de servizos básicos ó Piornedo”, indicou García Porto.
Unha vez aprobado o convenio na Xunta de Goberno, a Deputación está en disposición de asinalo acordo, á espera dos trámites que teña que completar a Xunta de Galicia.
– Dous novos plans para fomentar o uso das novas tecnoloxías: 1,3 millóns de euros. Ademais das tres actuacións anteriores, a Xunta de Goberno aprobou os pregos de contratación de dous novos plans relacionados coas novas tecnoloxías que contan cun orzamento global de 1,3 millóns de euros e cos que financia a contratación de case 70 persoas. Este amplo equipo de dinamizadores estará ó servizo dos 48 Concellos da provincia que no seu día decidiron adherirse ó programa Innova-TE, e tamén das pequenas empresas e autónomos da provincia, a custe cero para todos eles.
Para os concellos e a cidadanía en xeral
Ambas iniciativas están financiados nun 80% con fondos da Unión Europea a través do plan Innova-TE2. Por unha banda, 57 dinamizadores tecnolóxicos prestarán asesoramento gratuíto, individualizado e in situ ós traballadores municipais dos 48 concellos do Innova-TE para seguir fomentando o uso da Administración Electrónica e as novas tecnoloxías, e sacarlles o máximo partido. A Deputación “responde deste xeito á demanda que nos trasladaron os propios Concellos, que quedaron moi satisfeitos da primeira fase deste servizo, durante a que contaron con 5 dinamizadores durante case un ano”, destacou a vicevoceira socialista do Goberno provincial.
Neste caso, refórzase o equipo, pois pasan a ser 57 dinamizadores sociotecnolóxicos, pero tamén o seu ámbito de actuación, pois, ademais de estar a disposición dos Concellos, desenvolverán actividades dirixidas ós veciños en xeral co obxectivo de potenciar o uso das novas tecnoloxías e mostrar como se poden aproveitar todas as súas posibilidades a nivel persoal e laboral.
Para as empresas
Por outra banda, a Deputación poñerá en marcha o servizo innov@empresa 2.0, tamén respondendo a unha demanda, “neste caso a que nos trasladaron a gran maioría das 150 pequenas empresas lucenses ás que asesoramos e instalamos ferramentas tecnolóxicas o ano pasado a través do plan Reacciona coas TIC”, explicou García Porto. Como resposta a esta inquietude, engadiu, “poñeremos a disposición das PEMES e autónomos de toda a provincia un equipo de entre 7 e 10 dinamizadores, que prestarán un asesoramento gratuíto e personalizado para axudarlles a potenciar e mellorar a competitividade do seu negocio coas TIC”.
Haberá un grupo de dinamizadores itinerante, que acudirá ás empresas que así o soliciten, e outro fixo, nas instalacións que determine a empresa adxudicataria do servizo, ás que poderán dirixirse persoalmente ou vía telefónica os empresarios.
Os preto de 70 dinamizadores comezarán a traballar en outubro e rematarán a principios de marzo do 2015, avanzou García Porto, quen destacou con respecto á contratación dos traballadores que a Deputación “terá en conta as ofertas que respecten os dereitos e condicións laborais dignas dos empregados, no marco da noso compromiso cun modelo de contratación socialmente responsable”.
Placa de Honra a Darío Rivas Cando
A maiores de todos estes investimentos, a Xunta de Goberno acordou conceder a Darío Rivas Cando a Placa de Honra da provincia de Lugo en recoñecemento do seu labor a prol dos dereitos humanos e de defensa dos represaliados e familiares das vítimas da ditadura franquista. O acto está previsto para o vindeiro 31 de xullo, no Salón de Actos da Deputación.
Darío Rivas perdeu ó seu pai, alcalde de Castro de Rei, asasinado polos falanxistas no ano 36, mentres el estaba na Arxentina de emigrante. Nestes momentos, é o primeiro querellante na Arxentina contra os crimes do franquismo, unha querella que non puido saír adiante en España polo procesamento do xuíz Baltasar Garzón, e que retomou en Bos Aires a xuíza María Servini a raíz da denuncia de Darío Rivas. “É posible que esta sexa a derradeira vez que este home, que hoxe ten 94 anos, poida vir a Galicia, a súa terra natal, polo que consideramos que é o momento de organizarlle unha homenaxe de respecto e recoñecemento na provincia”, asegurou a vicevoceira socialista.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
