SANTIAGO. O alcalde de Ferrol e presidente da Fegamp, José Manuel Rey Varela, solicitou este luns por carta ao secretario de Estado de Xustiza, Fernando Román, un encontro coa Xunta de Voceiros da Federación para abordar a preocupación existente no municipalismo galego polo anteproxecto de reforma da Lei Orgánica do Poder Xudicial, do que se derivaría unha supresión da actual estrutura de partidos xudiciais e a centralización dos xulgados nas capitais de provincia.
A Xunta de Voceiros da Fegamp está composta polo seu presidente, José Manuel Rey, e os alcaldes do Barco de Valdeorras (Alfredo García), Allariz (Francisco García) e Cervo (Alfonso Villares) na súa condición de vicepresidentes.
Rey Varela materializa así os acordos alcanzados na Comisión Executiva da Fegamp, nos que xa se puxo de manifesto o rexeitamento dos alcaldes e alcaldesas galegos a esta reforma xudicial por entender que dificulta o acceso á xustiza dos cidadáns.
Nas últimas semanas, a Fegamp recibiu as queixas de diversos colectivos profesionais como o Consello da Avogacía Galega, moi críticos tamén con esta reforma, así como os pronunciamentos de diversos plenos municipais.
Na súa carta ao secretario de Estado, Rey Varela expón a realidade territorial de Galicia, cunha variable como a dispersión poboacional que condiciona claramente a prestación dos servizos públicos. Por iso, evidencia as negativas consecuencias que unha centralización de xulgados podería ter para as zonas do rural ou máis afastadas das capitais de provincia.
“A supresión dos partidos xudiciais preocupa aos alcaldes de todas as cores porque afasta a xustiza dos cidadáns”, explica José Manuel Rey, “é unha queixa xeneralizada que recibimos e é a nosa obrigación como Federación atendela, canalizala e facer que sexa tida en conta”.
O presidente da Fegamp lembra a importancia da unidade do municipalismo, “que durante a tramitación da reforma local nos permitiu introducir algunhas melloras no texto inicial, que era moito máis negativo que o finalmente aprobado”. “Se fomos capaces de actuar unidos entón, confío en que volvamos facelo agora”, sinala, “e a unanimidade que temos na Comisión Executiva é un primeiro paso”.
Rey Varela tamén se mostra confiado polo feito de que “a Xunta tampouco comparta esta supresión dos partidos xudiciais”, do mesmo xeito que foi igualmente crítica coa reforma local, ata o punto de aprobar unha Lei de Medidas Urxentes para adaptala á realidade municipal de Galicia.
“Se Xunta e concellos mantemos un mesmo discurso, unha mesma reclamación, unha mesma esixencia de que se atendan ás diferenzas de Galicia respecto doutros territorios, estou seguro de que se nos escoitará e atenderá”, apostilou Rey Varela.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
