Xornada sobre as algas en Ortigueira organizada por Nordés Faladora

Nordés, para o sábado 26 de xullo, en colaboración coa empresa “Mar de Ardora”, dedicará unha xornada a un dos recursos que o mar que bate nas nosas costas fai inigualabel: as algas, e que, despois de ser utilizado principalmente como abono para os terreos, e na farmacoloxía, pasou nestes últimos tempos a ir buscando un sitio nas nosas mesas.

A devandita xornada ten varias actividades que se desenvolveran en Loiba (Ortigueira), pobo no que houbo de sempre un bó número de persoas dedicadas á recolleita e venda de algas, aínda que o oficio de algueira estivo a piques de desaparecer.

Escomenzará o día adicado ás algas cunha visita á unha das praias na que os algueiros e algueiras facían a súa laboura: a praia da Ribeira do Carro, nos impresionantes cantís de Loiba. Isto será ás 10 e media, sendo ponto de encontro o Restaurante “El Galeón” media hora antes, tamén no pobo de Loiba. A visita será guiada por Xosé Antonio Canoura, recolector e distribuidor de algas.

Nese mesmo Restaurante terá lugar o seguinte paso da xornada co xantar dun menú degustación a un prezo de 15 euros, e que terá como base as algas da bisbarra. Para o xantar teranse que apuntar previamente os que queiran asistir.

Despois, xa ás 16:30, desprazarémonos a Ortigueira para visitar as instalacións da empresa “Mar de Ardora”, e así coñecer de primeira mán cómo se tratan as algas despois da súa recolleita para a súa comercialización.

Para rematar o día a partires das 8 da tarde facerase unha ruta de pinchos feitos con algas de “Mar de Ardora”. Na ruta están incluidos os bares de Loiba “Chiringuito de O Picón”; “Los Claveles”, “O Galeón”, e “A Taberna” de O Viso.