A Xunta de Goberno aprobou estes venres a contratación dos servizos de telefonía e Internet, introducindo unha fórmula pioneira na Deputación para continuar coa redución de gastos correntes, que vén aplicando este Goberno Provincial. O voceiro socialista, Manuel Martínez, explicou que se trata da unificación destes contratatos (telefonía fixa e móbil co de banda longa), acadando dous beneficios: reducir os custes de telefonía nun 51%, aforrando 180.000 euros ó ano; e a mellor rede interadministrativa dunha entidade pública en Galicia.
1º BENEFICIO: Reducir nun 51% os custes de telefonía, aforrando 180.000 euros. “Nos últimos dous anos, rebaixamos nun 37%, é dicir, en 129.300 euros, os gastos de telefonía. Fixémolo reducindo as liñas móbiles ata 78; establecendo cotas límite de consumo de entre 25 e 50 euros; restrinxindo as chamadas saíntes, como as internacionais; estandarizando as tarifas de datos; ou implantando o servizo chamado Voz sobre IP, que permite que as chamadas internas, tanto a fixos como a móbiles corporativos, sexan totalmente gratuítas. Todo isto, logo de avaliar as necesidades da Deputación mediante un exhaustivo estudo, realizado con mecanismos informáticos, que determinou o tipo de servizo telefónico que debe contar cada departamento provincial. Por exemplo, tras estudar as franxas horarias das chamadas, Atención o Cidadá ou Vías e Obras teñen un servizo máis completo, posto que reciben chamadas durante todo o día. Coa unificación dos contratos de telefonía e wifi aprobada hoxe, reducimos os custes noutro 14%, é dicir, noutros 50.000 euros, acadando unha rebaixa do 51% e aforrando 180.000 euros ó ano”, explicou Martínez.
2º BENEFICIO: Conseguir a mellor rede interadministrativa dunha entidade pública en Galicia “porque centralizamos o servizo de Internet da Deputación, de 48 Casas Consistoriais e de 48 prazas públicas wifi municipais, feito que nos posibilita levar conexión wifi a todos estes espazos públicos, cunha velocidade de navegación de entre 100 e 50 megas, así como chegar a lugares orográficamente complexos”, apuntou o voceiro.
Os 48 Concellos beneficiados desta iniciativa, sumados voluntariamente ó programa tecnolóxica da Deputación, son os seguintes: Abadín, Baleira, Baralla, Becerreá, Begonte, Burela, Carballedo, Castro de Rei, Castroverde, Cervantes, Cervo, Chantada, O Corgo, A Fonsagrada, Friol, Guitiriz, O Incio, Láncara, Lourenzá, Meira, Mondoñedo, Monforte de Lemos, Monterroso, Muras, Navia de Suarna, Negueira de Muñiz, As Nogais, Palas de Rei, Paradela, O Páramo, A Pastoriza, Pedrafita, A Pobra do Brollón, Pol, A Pontenova, Portomarín, Quiroga, Rábade, Ribadeo, Ribas de Sil, Ribeira de Piquín, Riotorto, Samos, Sarria, Sober, Taboada, Triacastela e Viveiro.
PEIM
Por primeira vez, “logo dos recortes dos Gobernos do Partido Popular, cando non sabemos que aconteceu co PEIM no 2011 e 2012, a Deputación financia esta programación co fin de salvala e garantir o seu desenvolvemento na provincia este ano e o vindeiro, dentro da nosa aposta pola máxima cooperación cos municipios”, remarcou o voceiro. A Xunta de Goberno aprobou o convenio de colaboración con AGADER, a Axencia Galega de Desenvolvemento Rural, dependente da Consellería de Medio Rural e do Mar. Mediante este acordo, o organismo provincial achega 742.000 para melloras de camiños de titularidade municipal no 2014 e 2015. Esta cantidade divídise, polo tanto, en dúas anualidades: 350.000 euros este ano e 392.000 o vindeiro. AGADER é que distribuirá o orzamento que reciben os Concellos.
Convenio Ribeira Sacra
A sesión tamén aprobou o convenio entre as Deputacións de Lugo e Ourense e o Valedor do Pobo, que hoxe mesmo asinou o Presidente lugués en Santiago, para o impulso da candidatura da Ribeira Sacra a Patrimonio da Humanidade. En base a esta colaboración, os organismos provinciais achegan un total de 100.000 euros, financiados ó 50%, é dicir, 50.000 euros cada Deputación, para a realización do estudo técnico, que elaborarán expertos de recoñecidos prestixio, que permita a redacción da candidatura da Ribeira Sacra.
Centro de Recría
Aprobouse a contratación do equipamento das 13 naves do 1º centro público en España de recría de gando vacún, “que estamos a construír en Castro de Rei. Achegamos a adquisición e instalación deste material 321.000 euros, que proceden da partida de 6 millóns de euros que investimos, en solitario, na derradeira fase de construción do centro, que estará listo no 2015. Este material son cubículos, básculas ou boxes colectivos….”, salientou Martínez.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
