NOTA DE PRENSA
O BNG CRITICA A PASIVIDADE DO GOBERNO LOCAL DIANTE DAS REITERADAS INUNDACIÓNS PRODUCIDAS EN SAN CIBRAO CADA VEZ QUE CHOVE
No mes de abril de 2008 pediu ao concello un estudo rigoroso e solucións aos continuos problemas sen que o goberno local fixera nada para solucionalo.
Os nacionalistas denuncian que o PP prefire a chapa e pintura que afrontar os problemas das infraestruturas do concello.
Cervo, 23 de xullo de 2009. O BNG denunciou a pasividade do goberno local diante das reiteradas inundacións que se producen na localidade de San Cibrao cada vez que chove con mais forza da habitual. Os nacionalistas queixáronse da falla de actuación do goberno local a quen solicitaron no pasado mes de abril un estudo rigoroso e solucións diante destas inundacións que anegan unha e outra vez os mesmos baixos e garaxes da localidade causando graves perxuizos aos seus propietarios. Ademais aproveitaron para criticar a actitude do goberno local, que preferiu utilizar fondos do Convenio de Infraestruturas e Servizos asinado con promotores en actuacións de “chapa e pintura” no lugar de afrontar os problemas realmente importantes.
O GOBERNO LOCAL DESATENDEU UNHA SOLICITUDE PRESENTADA NO MES DE ABRIL DE 2008 PARA POÑER SOLUCIÓN AS CONSTANTES INUNDACIÓNS.
Os nacionalistas cervenses denunciaron a pasividade do goberno local que non fai nada para solucionar os problemas de evacuación de augas pluviais na localidade de San Cibrao, “No mes de abril de 2008 solicitamos ao goberno local que se fixera un estudo rigoroso e se aplicaran solucións a este problema, sen que o goberno local movera un dedo neste sentido”. “Non só non se limpan as conducións de desaugue, senón que ademais fanse obras de remodelacións de rúas que quedan moi bonitas por fora, mais os problemas de fonde seguen aí”
O BNG ANIMA AOS VECIÑOS PERXUDICADOS A PRESENTAR RECLAMACIÓNS POR DANOS AO CONCELLO POLA MALA SITUACIÓN DOS DESAUGUES.
As persistentes inundación non só causan malestar aos veciños e unha nefasta imaxe do concello en época estival, ademais provocan importantes perxuizos aos veciños que ven como as súas pertenzas se ven afectadas, nalgúns casos con importantes perdas económicas. “Os nacionalistas animaron aos veciños afectados a que presenten reclamacións por danos ao goberno local para que se faga cargo deses danos como medida de presión para que dunha vez afronten as súas obrigas como gobenantes de dar solución a un problema que depende dunha infraestrutura de competencia municipal”
O PP GASTOU MAIS DE 500.000 EUROS NA REMODELACIÓN DUN PARQUE E DESATENDEU NECESIDAS MAIS URXENTES.
O BNG lembrou os mais de 500.000 euros gastados polo goberno local na remodelación do parque Reina Sofía, con cargo ao Convenio de Infraestruturas e Servizos asinado con promotores, “unha obra que non era urxente e dende logo non forma parte das necesidades en infraestruturas básicas que o concello precisa”. Os nacionalistas volveron a chamar a atención da falta de criterio do goberno local sobre o uso dos fondos públicos, “tiraron a casa pola venta como si foramos ricos en época de bonanza económica e non atenderon as necesidades reais e mais perentorias do concello”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
