A Deputación de Lugo é a 1ª en Galicia en sacar a licitación pública a selección de entidades de crédito (bancos, caixas de aforro ou cooperativas de créditos…) coa que traballará a institución provincial, e en incorporar cláusulas sociais neste pioneiro concurso “en defensa dos dereitos dos cidadáns e do público”. Así o adiantou este luns o voceiro provincial socialista, Manuel Martínez, logo da Xunta de Goberno na que se aprobaron os pregos deste procedemento, que serán publicados nos vindeiros días no Boletín Oficial da Provincia (BOP) e no Perfil do Contratante para a presentación de ofertas.
Deste xeito, valoraranse os seguintes aspectos: non contar con preferentes, subordinadas…, ou que estas foran resoltas satisfactoriamente para os cidadáns; o número de oficinas distribuídas nos Concellos da provincia, así como o persoal que presta servizo nas mesmas, en defensa da prestación de servizos e da xeración de emprego no rural lugués; ademais das melloras salarias e laborais dos traballadores, así como os plans de formación para os mesmos. Outras cuestións que tamén se terán en conta serán o nivel de satisfacción dos clientes ou as actividades que se realicen para promoción a provincia luguesa.
Granxa Cinexética en Tor
Tal e como avanzou o Presidente, José Ramón Gómez Besteiro, a semana pasada durante a presentación do Plan Integral que converterá Tor no centro público de Galicia coa oferta máis ampla dedicada á promoción económica do rural; a Xunta de Goberno aprobou o anteproxecto da 1ª fase de implantación dunha granxa cinexética, dedica a cría de perdiz e coello de monte, neste patrimonio público. A sesión tamén acordou o envío desta iniciativa ó Concello de Monforte para súa tramitación e concesión dos permisos imprescindibles. “Unha vez acadadas as licencias necesarias por parte das administracións correspondentes, poderemos iniciar estes traballos, dotados de 525.816 euros da Deputación”, explicou Martínez. Con este investimento, o organismo provincial levará a cabo a 1ª fase de implantación da granxa cinexética, que contempla as seguintes actuacións: movementos de terras na finca principal de TOR, que conta con 20 hectáreas, onde se criarán as perdices e coellos de monte; cerramento das instalacións; e construción das naves de recría e parques de voo para 80 parellas de perdiz. “Son os primeiros exemplares, posto que, coa segunda fase deste proxecto, aumentaremos as instalacións, con más naves de recría e parques de voo, para acoller un total de 400 parellas de perdiz”, destacou.
Posta en marcha do Plan Integral
A Deputación inicia, deste xeito, a posta en marcha do Plan Integral de Tor, dotado dun total de 885.000 euros de fondos propios, poucos días despois da súa presentación por parte de Gómez Besteiro. Esta programación, na que o organismo provincial leva meses traballando, tras disolver a Fundación Tor e solventar as numerosas irregularidades cometidas (talas masivas con danos de ata 1 millón de euros, mortes de animais, cazas ilegais, gastos sen xustificar, como viaxes a Tanzania, Miami, Dublín,…), sobre as cales os xulgados siguen tomando resolucións; supón a posta en valor das 180 hectáreas deste patrimonio público. Para elo, xunto á implantación da granxa cinexética, a institución tamén creará o primeiro centro público de produción apícola; adicará ó cultivo de cereal unha parcela de 13,5 hectáreas; habilitará un viveiro de árbores; e potenciará un espazo de formación e prácticas, principalmente sobre agricultura ecolóxica. Ademais, Tor contará cunha parcela de 118 hectáreas de produción silvícola; unha zona de lagos de 9 hectáreas para aves acuáticas e o rego de cultivos; e naves para prestar servizo as actividades cinexéticas, silvícolas e agropecuarias. Todo isto, converterá Tor no centro público de Galicia coa oferta máis ampla dedicada á promoción económica do rural.
San José
A Xunta de Goberno aprobou a convocatoria pública para a cesión gratuíta dos bens existentes no antigo Hospital San José a institucións públicas ou privadas sen ánimo de lucro. Nos vindeiros días, o BOP recollerá esta convocatoria. Os interesados poderán consultar o material dispoñible, e mesmo visitar as instalación de San José, de cara a elaboración das súas propostas. Martínez explicou que “levamos meses traballando na elaboración dun completo informe patrimonial sobre os bens existentes en San José. Estamos a piques de concluílo. Por este motivo, poñemos en marcha esta convocatoria”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
