Nestes días volven a estar na boca da xente as comunicacións da nosa comarca. Desta vez, como consecuencia do debate aberto a respecto da A-8 despois do fatídico accidente da pasada fin de semana.
Quen descoñeza a situación, podería pensar que as mariñás e mariñaos fixemos algo para merecer un castigo divino que nos impida comunicarnos con normalidade co resto das mortais, pero a realidade é que os castigos veñen das persoas que deciden como e cando se fan as vías de comunicación neste país, sexan estradas ou vías do tren. Sexan dunha ou outra cor, do PP ou do PSOE; porque sempre deciden desde Madrid o que máis nos convén aquí. E así nos vai…
Debemos lembrar que foi unha decisión política que a autovía do Cantábrico perda o sentido do seu nome á altura de Barreiros, comunicando parte da Mariña (unha parte ben pequena, por outro lado) co resto de Galiza; mais deixando o Cantábrico lucense sen poder gozar desta infraestrutura. Un capricho que pretendía ser subsanado con unha vía de alta capacidade na que entran Xunta de Galiza e goberno do Estado. Agardando estamos as mariñás e mariñaos a que saquen o proxecto do corredor Barreiros-San Cibrao do eterno caixón dos proxectos e a que volvan unhas eleccións para que as máquinas se poñan á altura de Xove a arrincar os piñeiros que xa asoman no trazado entre San Cibrao e Ferrol.
E mentras seguimos agardando, miramos tamén como unha liña de Feve, infrautilizada e inadaptada ás necesidades da comarca, serve para facer un bonito percorrido turístico; pero non para ir ao Hospital ou para achegar un ramal a Alcoa. Miramos como o peixe dos nosos portos, que tantos centos de millóns moven ao ano, seguen saíndo polas mesmas estradas que hai vinte anos; co esforzo en canto a competitividade que iso lle supón ao sector pesqueiro mariñao.
E así agardamos, tecendo e destecendo. Asistindo (figuradamente, porque o BNG manifestábase coas veciñas e veciños polos accesos da autovía e o seu trazado no día de autos) a inauguracións a bombo e platillo de vías que se converten en trampas mortais. A aperturas e peches da autovía varias veces ao día en función de se hai néboa ou sopra o vento. Acaso non foron capaces de comprobar as inclemencias meteorolóxicas no momento do deseño do trazado? Tamén os deseños dos trazados son decisións políticas, que executan técnicos, pero que autorizan e son responsabilidade da política ou político de turno.
Preténdese agora vender como solución óptima que a autovía permaneza pechada máis tempo do que pase aberta. Volver mandar o tráfico por unha N-634 que nin está en condicións de soportar o tráfico que terá nin é unha vía de comunicación axeitada para unha comarca co peso demográfico e económico que ten A Mariña en pleno século XXI. Eso si, como ben anunciaba o Partido Popular nos días próximos á inauguración, facilítannos a saída cara a España e Europa. Quizais ese sexa o futuro que pretenden para nós.
Penélope botou vinte anos desfacendo de noite o que facía de día. A Mariña, botou vinte anos esperando pola A8 e non pode agardar outros vinte anos, porque xa son demasiados os pasos atrás que nos obrigan a dar.
Ana Ermida.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
