A Vicepresidenta Segunda, Lara Méndez, acompañada polo Alcalde de Xove, Demetrio Salgueiro Rapa, supervisou este luns as actuacións que Deputación e Concello están a realizar na estrada LU-P-2610. Os traballos consisten na aplicación de aglomerado en quente, así como a limpeza de cunetas e instalación de sinalización horizontal e vertical, e contan cun orzamento total de preto de 300.000 euros, que aportarán ambas administracións ó 50%. Os traballos rematarán, previsiblemente, a vindeira semana.
Estas tarefas de acondicionamento son froito do acordo adoptado pola institución provincial e o Concello mariñán, co que ambas administracións comprométense a colaborar a partes iguais no acondicionamento da totalidade desta vía. Deste xeito, a Deputación mellorará as condicións dun tramo duns 2,3 quilómetros e o Concello farase cargo do acondicionamento doutros tantos, o que permitirá rematar os traballos de mellora de toda a estrada neste mesmo ano.
Polo momento, o Concello de Xove foi o único que se comprometeu a traballar de xeito conxunto coa Deputación, algo que a Vicepresidenta Segunda quixo agradecer na figura do seu rexedor, ó tempo que salientou que “a Deputación continúa estando aberta a colaborar de xeito directo con todos os Concellos lucenses, permitindo así duplicar a inversión na provincia”. Méndez destacou que “desexamos que este acordo sexa exemplo de colaboración entre entidades para procurar o benestar dos veciños da provincia, que é, en definitiva, o noso obxectivo final”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
